konka coffee
KONKA

AMAKURU

UKWEZI

Perezida Magufuli yavuze ko bagomba kubyaza akayabo ibibazo by’u Burundi na Kongo

Perezida Magufuli yavuze ko bagomba kubyaza akayabo ibibazo by’u Burundi na Kongo
8-01-2019 saa 11:42' | By Chief Editor | Yasomwe n'abantu 2636 | Ibitekerezo

Perezida John Magufuli wa Tanzania, yavuze ko igihugu cye kigomba gukura inyungu ifatika mu bibazo by’u Burundi na Repubulika Iharanira Demokarasi ya Kongo, aho ngo bazajya barwana iwabo hanyuma muri Tanzania amafaranga menshi akinjira kandi ibyo ngo abayobozi n’abaturage mu gihugu cye bakaba bakwiye kumenya ko ari amahirwe bagira bakayabyaza umusaruro.

Ibi Perezida Magufuli yabivuze mu cyumweru gishize, aho yagaragaje ko abayobozi bakuru mu gihugu cye bagomba kubyaza umusaruro ufatika impunzi ziri muri Tanzania zibarirwa mu 300.000 zigizwe ahanini n’Abarundi ndetse n’abo muri Repubulika Iharanira Demokarasi ya Kongo. Izi mpunzi zigurirwa ibizitunga n’Imiryango mpuzamahanga, ayo mafaranga ngo akazamura cyane ubukungu wa Tanzania.

Ubwo yari mu mujyi wa Dar es Salaam, Perezida Magufuli yishimiye isinywa ry’amasezerano hagati y’igihugu cye n’Ishami ry’Umuryango w’Abibumbye ryita ku biribwa (WFP cyangwa PAM mu magambo ahinnye y’indimi z’amahanga) aho uyu muryango wishyuye Tanzania akayabo ka miliyoni 8 z’ama euros ngo iki gihugu kizatange ibiribwa bizahabwa impunzi.

Perezida Magufuli abigarukaho yagize ati: "Aya mafaranga azafasha inshuti zacu z’impunzi zavuye mu bindi bihugu duturanye bifitanye amakimbirane imbere mu bihugu byabo, ibyo rero twe kugomba kubyungukiramo tukabibyaza umusaruro. Tugomba kungukira mu bibazo byabo, bazajya barwana iwabo hanyuma twebwe iwacu twinjize amafaranga"

Perezida Magufuli usanzwe uzwiho imvugo zidasanzwe, aya magambo ye ntiyashimishije abayobozi b’ishami ry’Umuryango w’Abibumbye ryita ku biribwa ku isi, batangiye kuvugira mu matamatama ko ibyavuzwe n’uyu muyobozi ari ugukina ku mubyimba impunzi zahungiye mu gihugu cye.

Ibi byatumye ashaka kwisobanura no kugorora imvugo ye, maze arongera agira ati: "Simvuze ko nifuza ko bajya barwana bagahora mu makimbirane atuma baduhungiraho, ariko niba barwanye nyine twe uko guhangana kwabo bizatubera inyungu.... Kuko n’iyo tutabaha ibi biryo n’ubundi bazarwana. Ntidushaka ko barwana ariko nibarwana tugomba kubibyaza umusaruro tukabyungukiramo."

Perezida Magufuli yasabye Minisitiri w’Ubuhinzi n’abandi bafatanyabikorwa gukora ibishoboka byose bakabona umusaruro uhagije kandi bagatanga serivisi neza kuburyo iyo miryango mpuzamahanga nikenera n’ibindi byinshi byo kugurira impunzi bizaboneka nta mpungenge.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...