konka coffee
KONKA

AMAKURU

UKWEZI
ubumwe

Perezida Museveni yahaye rugari umujenerali ushaka kwiyamamaza muri 2021

Perezida Museveni yahaye rugari umujenerali ushaka kwiyamamaza muri 2021
6-06-2019 saa 11:27' | By Nsanzimana Ernest | Yasomwe n'abantu 3260 | Ibitekerezo

Perezida wa Uganda akaba n’ umugaba w’ ikirenga w’ ingabo za UPDF yahaye uburenganzira Maj. Gen. Timothy Sabiiti Mutebile ushaka kuziyamamariza umwanya muri Politiki ya Uganda muri 2021.

Maj. Gen. Mutebile asanzwe ari Umuyobozi w’ ishami ry’ abenjennyeri mu ngabo za Uganda UPDF. Uyu mugabo umaze imyaka 33 ari umusirikare yavuze ko Perezida Museveni yamuhaye uburenganzira bwo kwiyamamariza kuba umudepite uhagarariye igice cya Kabale mu nteko ishinga amategeko ya Uganda.

Uyu musirikare avuga ko yahuye na Perezida Museveni akamwemerera ko azamushyigikira.

Yagize ati “Mperutse guhura na Perezida Museveni ambwira ko yakiriye ubusanzwe bw’ abaturage ba Kabale banditse basaba ko nababera umudepite. Yambwiye ko yemeye ubusabe bw’ abo baturage kandi ko azanshigikira”.

Maj. Gen. Mutebile avuga ko abaturage ba Kabale bameze nk’ imfubyi kuko bamaze igihe bahagarariwe n’ umuntu udafite umwanya ku meza manini.

Mu myaka amaze ari umusirikare mukuru mu ngabo za Uganda, Maj. Gen. Mutebile avuga ko yubakiye Kabale imisarane, n’ isoko ry’ imboga.

Maj. Gen. Mutebile ni murumuna wa guverineri wa Banki nkuru ya Uganda Emmanuel Tumusime Mutebile.

Mu nteko ishinga amategeko ya Uganda Kabale , ihagarariwe na Andrew Aja Buryayanga kuva muri 2011. Inteko Ishinga amategeko ya Uganda igizwe n’ abadepite 426 , yatangiye mu 1962.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...