konka coffee
KONKA

AMAKURU

UKWEZI

Umudepite wa Kenya mu rugamba rwo gushishikariza abagabo kurongora abagore benshi

Umudepite wa Kenya mu rugamba rwo gushishikariza abagabo kurongora abagore benshi
12-04-2018 saa 16:48' | | Yasomwe n'abantu 2728 | Ibitekerezo

Umudepite uhagarariye abari n’abategarugori bo mu ntara ya Kiyambu mu gihugu cya Kenya witwa Kichomba wa Muthoni, mu minsi ishize yatangaje ko nta kindi cyavanaho ibibazo byugarije abanya Kenya, uretse kuba abagabo basubira ku muco wahozeho wo gushaka abagore barenze umwe

Mu cyumweru gishize nibwo Depite Muthoni yatangije igisa n’urugamba rwo gushishikariza abagabo kurongora abagore benshi, aho yavugaga ko ariyo nzira abona yacyemura byinshi mu bibazo byugarije abanyakenya, birimo ubukene n’ubushomeri.

Depite Muthoni wa Kichomba ni umwe mu bagize inteko ishingamategeko y’igihugu cya Kenya, akaba ahagarariye abari n’abategarugori bo mu ntara ya Kiambu.

Uyu mudepite uvuga ko byinshi mu bibazo byugarije abanyakenya byamarwa n’uko abagabo bashakana n’ abagore barenze umwe, yagaragaye ahamagarira abo mu bwoko bw’abagikuyu gusubira ku muco gakondo w’igihugu cyabo wo gushaka abagore benshi.

Depite Muthoni yavuze ko kuba abanyakenya batarongora abagore benshi ari imwe mu ntandaro y’abana birirwa banyanyagiye ku mihanda y’igihugu barabuze kirera.

Mu rwego rwo gutinyura abagabo b’abanyakenya baba bashidikanya ku gushaka abagore benshi, Depite Muthoni wa Kichomba yavugaga ko abadepite bagenzi be b’igitsina gabo bari mu nteko ishingamategeko bamaze gushaka abagore biyongera ku bo bari bafite ndetse ko kuri ubu benshi muri bo bayirata ku bw’umusanzu babona batanze mu kubaka umuryango w’abanyakenya.

Ubundi itegeko ryemerera abaturage b’igihugu cya Kenya gushaka abagore barenze umwe ryashyizweho mu mwaka wa 2014, ubwo umukuru w’igihugu Uhuru Kenyata yarihaga umugisha akabwira abagabo babyifuza ko nta kindi bisaba uretse kwiyandikishaho abo bagore, hanyuma bikemerwa kimwe n’uko umuco gakondo w’igihugu ubyemera ndetse n’idini ya Kiyisilamu ikaba ibyemera.

N’ubwo iri tegeko riha abanyakenya kurongora umugore urenze umwe, ku bakirisitu batuye muri Kenya,iri bo ntibarikozwa ngo kuko ubusanzwe mu myemerere ya gikirisitu umugabo agomba ashakana n’umugore umwe gusa ngo kuko iyo urengreje umwe uba ukoze icyaha cyo gusambana.

Depite Muthoni wa Kichomba avuga ko ibibazo byugarije abaturage ba Kenya harimo n’icyabakobwa babura abagabo

Bavuganeza Jonathan


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...