AMAKURU

UKWEZI
cheno 2020

Amerika n’Ububiligi bashimye uko amatora aherutse kuba mu Burundi yagenze

Amerika n’Ububiligi bashimye uko amatora aherutse kuba mu Burundi yagenze
23-05-2020 saa 13:38' | By Nsanzimana Ernest | Yasomwe n'abantu 1268 | Ibitekerezo

Leta Zunze Ubumwe za Amerika n’Ububiligi birashima ituze ryaranze amatora yabaye ku wa 20 z’uku kwa gatanu mu Burundi.Byatangajwe na ba minisitiri b’ububanyi n’amahanga b’ibi bihugu aho bashima ubwitange bwaranze Abarundi muri aya matora.

Bavuga ko ibihugu byabo byiteguye gushimangira imigenderanire n’u Burundi, mu gihe hashyirwaho Leta ivuye muri aya matora, bagasaba abanyapolitike kwirinda icyateza umutekano muke nyuma y’aya matora.

Biturutse ku mvururu zakurikiye amatora ya 2015, ibihugu by’Iburayi ntibyarebanye ryiza n’u Burundi bimwe binahagarika inkunga byahaga iki gihugu.

Mu itangazo yasohoye ku wa kane amatora yaraye abaye, Philippe Goffin, Minisitiri w’ ububanyi n’amahanga w’Ububirigi yavuze ko ayo matora ari intambwe ikomeye mu kwimakaza demukarasi ibereye u Burundi.

Asaba abanyapolitike b’u Burundi kwirinda imvugo n’ ibikorwa byasubiza inyuma intambwe igezweko ya demokarasi ivuye muri aya matora.

Abasaba kuganira kugira ngo habe umwuka nyuma y’aya matora, hanyuma ibyavuye muri yo bikubahirizwa.

Mike Pompeo, Umunyamabanga wa Leta Leta Zunze Ubumwe za Amerika ushinzwe ububanyi n’amahanga asaba Abarundi kwirinda gushotorana. Avuga ko igihugu cye gikurikiranira hagufi ibibera mu Burundi.

Amerika kandi ihamagarira abahiganywe kwirinda kujya mu bwicanyi mu gihe batashimishwa n’ibizaba byavuye muri aya matora, ahubwo bakiyambaza inzego zibishinzwe.

Umunyamabanga wa Amerika wungirije ushinzwe Afurika mu bunyamabanga bw’ububanyi n’amahanga, Tibor Naggi, mu kiganiro yahaye abanyamakuru yavuze ko Amerika yiteguye gusubiramo ubutwererane n’ u Burundi mu gihe hashyirwaho Leta nshasha ivuye muri aya matora, igasubira kuba nk’uko yari imeze mbere.

CNDD-FDD ikomeza kuza imbere

Imibare y’agateganyo y’ibyavuye mu matora ku nzego za komine mu Burundi yerekana ko isha CNDD-FDD uri ku butegetsi ari wo uza imbere muri ayo matora, yaba ay’umukuru w’igihugu, ay’abagize inteko ishinga amategeko n’ay’abajyama ba komine.

Ukurikirwa n’ishyaka CNL, ubwa gatatu hakaza ishyaka UPRONA. Hari amakomine atari make ishyaka CNDD-FDD rifite amajwi arenga 80%, ahandi arenga 70%. Komine Musigati yerekana ko iryo shyaka waronse amajwi arenga 99%.

Hagati aho, hari andi makomine amwe n’amwe, harimo amwe yo mu ntara za Bururi, Rumonge na Bujumbura, na Mwaro ubwo busumbasumbane hagati ya CNDD-FDD na CNL atari bunini ndetse na hamwe CNL ikaza imbere.

Komisiyo y’amatora itangaza ko imibare y’imfavuye by’agateganyo mu gihugu hose bizatangaza tariki 25 cyangwa 26 Gicurasi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...