konka coffee
KONKA

AMAKURU

UKWEZI
Minijust

Amerika yahannye Fatou Bensouda wa ICC kubera kuyipererezaho

Amerika yahannye Fatou Bensouda wa ICC kubera kuyipererezaho
5-04-2019 saa 13:26' | By Nsanzimana Ernest | Yasomwe n'abantu 1788 | Ibitekerezo 2

Fatou Bensouda, Umushinjacyaha Mukuru mu Rukiko Mpuzamahanga Mpanabyaha yafatiwe ibihano na Leta zunze ubumwe za Amerika byo kwimwa Visa kuko ibiro akuriye byafashe umwanzuro wo gukurikirana ibyaha by’ intambara bishinjwa ingabo z’ Amerika.

Madamu Bansouda ari guperereza ku byaha bikekwa ko byakozwe n’ ingabo za Amerika n’ abo bakorana muri Afghanistan. Umunyamabanga wa Leta zunze ubumwe za Amerika Mike Pompeo mu kwezi gushize yari yaburiye ICC ko iryo perereza rizatuma abayobozi bayo bafatirwa ibihano. Ibyo bihano yavuze ko birimo ibyo kwimwa Visa n’ iby’ ubukungu.

Ibiro by’ ubugenzacyaha bya ICC bifite ubudahangarwa bubyemerera kutagira uruhande bibogamiraho no kwigenda nk’ uko biteganywa n’ amasezerano ya Rome yashyizeho urukiko rwa ICC. Ayo masezerano ateganya ko ubugenzacyaha bwa ICC bugomba gukora inshingano zabwo nta bwoba n’ ikigongwe.

ICC akenshi iperereza ku byaha mpuzamahanga byakozwe n’ abo mu bihugu byashyize umukono ku masezerano ayishyiraho. Amerika ntabwo ari umunyamuryango wa ICC.

Bensouda watangiye imirimo muri 2012, si we muyobozi wa mbere wa ICC ufatiwe ibihano. Ibiro bye byanzuye ko bigomba gukomeza iperereza.

Ibiro bya Bensouda biti “Turemeza ko Leta zunze ubumwe za Amerika yahagarikiye Visa ijyayo umugenzacyaha. Imyumvire yacu ni uko kubuza umushinjacyaha kujya US bitazatubuza kuzuza inshingano zacu zirimo no guha raporo ku buryo buhoraho akanama ka Loni gashinzwe umutekano”.

Byakomeje bivuga ko umushinjacyaha azakomeza akazi nta bwoba cyangwa ikigongwe. Bensouda w’ imyaka 58 yasimbuye Luis Moreno Ocampo wavuzweho kubonerana Afurika.


INKURU ZA :
Tanga Igitekerezo
Ibitekerezo 2
Bebe Kuya 8-04-2019

America nizo ngegera zambere kw’isi,kandi nibo bicanyi bambere kw’isi muminsi micye murumva uwo mubyeyi bamwishe.bigahimba bikora amaperereza kubandi.shitani ariko wayigira umucamanza?lmana niyo izatabara isi......

Bebe Kuya 8-04-2019

America nizo ngegera zambere kw’isi,kandi nibo bicanyi bambere kw’isi muminsi micye murumva uwo mubyeyi bamwishe.bigahimba bikora amaperereza kubandi.shitani ariko wayigira umucamanza?lmana niyo izatabara isi......

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...