konka coffee
KONKA

AMAKURU

UKWEZI

Bobi Wine yateje imyigaragambyo ikomeye yamagana icyemezo cya Museveni

Bobi Wine yateje imyigaragambyo ikomeye yamagana icyemezo cya Museveni
11-07-2018 saa 16:52' | By Vincent Nsengiyumva | Yasomwe n'abantu 3049 | Ibitekerezo 2

Umuhanzi ukomeye muri Uganda akaba n’Umudepite, Robert Kyagulanyi uzwi ku izina rya Bobi Wine, yongeye gushyamirana na polisi y’iki gihugu nyuma yo guteza imyigaragambyo ikomeye igamije kurwanya icyemezo cya Perezida Museveni cyo gusoresha abakoresha imbuga nkoranyambaga.

Iyi myigaragambyo yo kwamagana imisoro ku bakoresha imbuga nkoranyambaga yateguwe na Depite Bobi Wine, yabereye mu gace ka Nakasero mu Mujyi wa Kampala mu gitondo cyo kuri uyu wa Gatatu tariki ya 11 Nyakanga 2018.

Iyi myigaragambyo yari ikomeye cyane, yitabiriwe n’abantu b’ingeri zose biganjemo urubyiruko rutishimiye na gato uyu mwanzuro wo gusoresha abakoresha imbuga nkoranyambaga muri iki gihugu.

Polisi yo muri iki gihugu yagerageje uburyo bushoboka bwo guta muri yombi uyu mu Depite ariko biba iby’ubusa kuko abari bamuri inyuma muri iki gikorwa bagerageje kurwanya polisi maze ntiyabasha kumufata.

JPEG - 60.9 kb

Nyuma y’uko iyi myigaragambyo yari ihumuje, Bobi Wine yagiye ku rukuta rwe rwa facebook ashyiraho amafoto yaranze iki gikorwa cyo kwamagana imyanzuro y’ubutegetsi bwa Museveni, anaboneraho gushimira abamuteye ingabo mu bitugu bagafatikanya nawe n’ubwo bitari byoroshye.

Yagize ati Ati “Nagiraga ngo nshimire umuntu wese witabiriye kandi akazamura ijwi rye mu rugamba rwo kwamagana uyu musoro udasobanutse. Polisi yarwanye inkundura ishakisha kumfata ariko imbaraga z’abaturage zirayinesha.”

Yavuze ko nta kintu na kimwe kizabahagarika mu bikorwa byo kuvuganira abaturage, kabone n’ubwo hazamo kubura ubuzima.

Bobi Wine udacana uwaka n’ubuegetsi bwa Perezida Museveni yaherukaga guteza imyigaragambyo muri Uganda muri Nzeri 2017 ubwo we n’abandi badepite barwaniraga mu Nteko Ishinga Amategeko bapfa ingingo y’imyaka iha amahirwe Museveni ngo akomeze ayobore.

JPEG - 74.4 kb
JPEG - 60.9 kb
JPEG - 87.3 kb
JPEG - 81.9 kb
JPEG - 81.9 kb
JPEG - 81.9 kb

INKURU ZA :
Tanga Igitekerezo
Ibitekerezo 2
Masengesho innocent Kuya 12-07-2018

Mubyukuri ibi bigaragaza igihugu kirimo Democracy Murwanda Bageze kuriyi ntera byaba aribintu bishyimishyije kuko kurwanda nutishyimye Ntabibwira Numuvandimwewe kuko bayobowe mutera bwoba Murakoze kutwereka uburyo ibihugu byibituranyi byamaze kudusiga mukureka kwishyiira ukizana byabaturage

Masengesho innocent Kuya 12-07-2018

Mubyukuri ibi bigaragaza igihugu kirimo Democracy Murwanda Bageze kuriyi ntera byaba aribintu bishyimishyije kuko kurwanda nutishyimye Ntabibwira Numuvandimwewe kuko bayobowe mutera bwoba Murakoze kutwereka uburyo ibihugu byibituranyi byamaze kudusiga mukureka kwishyiira ukizana byabaturage

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...