AMAKURU

UKWEZI
Canal+ christmax

DRC : Umuntu wa kabiri yatawe muri yombi kubera gushinja ibirego bikomeye Madamu wa Perezida

DRC : Umuntu wa kabiri yatawe muri yombi kubera gushinja ibirego bikomeye Madamu wa Perezida
23-08-2021 saa 12:33' | By Martin | Yasomwe n'abantu 1473 | Ibitekerezo

Ghislain Muhiwa uyobora umuryango LUCHA (Lutte Pour Le Changement) urwanya ruswa muri Repubulika ya Demokarasi ya Congo, yabaye umuntu wa kabiri watawe muri yombi azira gushinja ibirego umugore wa Perezida wa kiriya gihugu, Denise Tshisekedi.

Uriya muryango LUCHA washinje Denise Tshisekedi, kunyereza imfashanyo igenewe abagizweho ingaruka n’iruka ry’ikirunga cya Nyiragongo mu minsi ishize.

Ghislain Muhiwa yatawe muri yombi kuri iki Cyumweru mu mujyi wa Goma mu burasirazuba bw’igihugu.

Mugenzi we Parfait Muhani yatawe muri yombi mu kwezi kwa karindwi na we kubera iyo mpamvu, akaba ategereje kuburanishwa n’urukiko rwa gisirikare.

Umuryango LUCHA uvuga ko Bwana Muhiwa yatawe muri yombi ku busabe bw’umwunganizi mu mategeko wa Madamu Denise, nkuko bitangazwa na radio RFI.

Ariko hari abakora mu rwego rw’ubucamanza babwiye RFI ko yafunzwe kuko mu kwezi kwa gatandatu atitabye ubucamanza bwa gisirikare - bwafashe inshingano z’ubucamanza bwa gisivile muri iki gihe, bigatuma ubu yari yarashyiriweho urupapuro rwo kumuta muri yombi.

Mu gihe ubushinjacyaha bwa gisirikare bwari bwarabuze Ghislain Muhiwa, mu kwezi gushize bwari bwataye muri yombi mugenzi we Muhani, wamaze gushinjwa guharabikana no kuba mu itsinda ry’abagizi ba nabi.

Umuryango LUCHA wamaganye icyo uvuga ko ari ukwibasira bikomeye impirimbanyi n’abatavuga rumwe n’ubutegetsi birangwa muri iki gihugu kuva mu mezi macye ashize, nkuko bitangazwa na RFI.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA