konka coffee
KONKA

AMAKURU

UKWEZI
Minijust

Umudepite wo muri Cote d’ Ivoire yakatiwe kubera utumwa yashyize kuri Twitter

Umudepite wo muri Cote d’ Ivoire yakatiwe kubera utumwa yashyize kuri Twitter
30-01-2019 saa 15:49' | By Nsanzimana Ernest | Yasomwe n'abantu 917 | Ibitekerezo

Umudepite wo muri Côte d’Ivoire yakatiwe igifungo cy’umwaka umwe no gutanga amande angana n’amadolari 520 y’Amerika kubera gukwirakwiza amakuru y’ibinyoma no kugumura rubanda ngo ikore ibikorwa by’urugomo.

BBC yatangaje ko Alain Lobognon yatangaje ubutumwa ku rubuga nkoranyambaga rwa Twitter ku itariki ya 9 y’uku kwezi kwa mbere avuga ko umushinjacyaha mukuru afite gahunda yo gutegeka ko undi mudepite atabwa muri yombi.

Ariko umushinjacyaha yarabihakanye, avuga ko ubwo butumwa bwo kuri Twitter bwateje imyigaragambyo.

Uwunganira Bwana Lobognon mu mategeko yavuze ko umukiliya we azajurira iki cyemezo cy’urukiko.

Yongeyeho ko umukiliya we ari kwibasirwa kubera ko ari inshuti ya hafi ya Guillaume Soro, wahoze ari umukuru w’inyeshyamba akaba yaranahoze ari minisitiri w’intebe, kuri ubu akaba ari umukuru w’inteko ishingamategeko.

Mu bihe bishize bya vuba, umubano hagati ya Bwana Soro na Perezida Alassane Ouattara wa Côte d’Ivoire wajemo igihu, mu gihe hitegurwa amatora ya perezida ateganyijwe kuba mu mwaka utaha wa 2020


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...