konka coffee
KONKA

AMAKURU

UKWEZI
ubumwe

Gitega ntabwo iruzuza ibisabwa ngo ibe umurwa mukuru w’ u Burundi – Abadepite

Gitega ntabwo iruzuza ibisabwa ngo ibe umurwa mukuru w’ u Burundi – Abadepite
21-01-2019 saa 09:21' | By Nsanzimana Ernest | Yasomwe n'abantu 1015 | Ibitekerezo

Intumwa za Rubanda mu Burundi zisanga igitekerezo cyo kugira Gitega umurwa mukuru w’ ubutegetsi bw’ u Burundi kije mbere y’ igihe kuko Gitega itariyubaka mu bijyanye n’ ibikorwaremezo nk’ uko byemezwa na Perezida w’ umutwe w’ abadepite Pascal Nyabenda.

Biteganyijwe ko Gitega izaba umurwa mukuru w’ ubutegetsi naho Bujumbura ikaba umurwa mukuru w’ ubucuruzi.

Si Perezida w’ Abadepite gusa uvuga ko Gitega itarategurwa bihagije kuko na depite Fabien Banciryanino avuga ko kwimura umurwa mukuru w’ ubutegetsi bidakwiye gukorwa bwangu kuko u Burundi bwakwisanga burimo kwaka abaturage amafaranga yo kubaka umujyi wa Gitega.

Yagize ati “Uyu munsi muri kwaka abaturage inkunga y’ amatora, mwakwisanga muri kubaka n’ inkunga yo kubaka Gitega”

Minisitiri w’ umutekano mu gihugu Pascal Barandagiye avuga ko abadepite nibamara gutora bemeza ko Gitega iba umurwa mukuru w’ ubutegetsi bitazahita bikorwa ako kanya ahubwo bizakorwa gahorogahoro.

Minisitiri Barandagiye avuga ko buri gihe impinduka zidahita zumvikana. Biteganyijwe ko Minisiteri eshanu zirimo iy’ Uburezi, iy’ Ubuhinzi n’ Ubworozi, iy’ Umutekano w’ imbere mu gihugu, na Minisiteri yo kwegeraza abaturage ubuyobozi arizo zizimukira mu Gitega. Barandagiye avuga ko igikorwa cyo kwimura izi Minisiteri kizafata imyaka 3.

Umushinga w’ itegeko ryemeza ko Gitega iba umurwa mukuru w’ ubutegetsi mu Burundi ishingiro ryawo ryemejwe nyuma yo gutorwa n’ abadepite 108 umwe niwe watoye Oya.


Minisitiri Pascal Barandagiye


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...