AMAKURU

UKWEZI
ubumwe

Icyo bivuze kuba Perezida Felix Tshisekedi arasura u Burundi

Icyo bivuze kuba Perezida Felix Tshisekedi arasura u Burundi
14-06-2019 saa 11:09' | By Nsanzimana Ernest | Yasomwe n'abantu 5102 | Ibitekerezo

Icyo abakuru b’ ibihugu baza kuganiraho kihariye ntabwo kiramenyekana gusa ikizwi ni uko ari uruzinduko rugamije gushimangira umubano w’ ibihugu byombi, Repubulika ya Demukarasi ya Kongo n’ u Burundi.

Kuri uyu wa Gatanu tariki 14 Kamena 2019, nibwo Perezida Felix Antoine Tshisekedi agera ku kibuga cy’ Indege mpuzamahanaga cya Bujumbura.

Nk’ uko byatangajwe n’ ibinyamakuru byo mu Burundi n’ ibyo muri Repubulika ya Demukarasi ya Kongo, Perezida Tshisekedi arakirwa na mugenzi we Perezida Nkurunziza.

Abakuru b’ ibihugu byombi bagiye guhura mu gihe mu byumweru bishize abakuriye ubutasi bw’ ibihugu byo mu karere k’ ibiyaga bigari bahuriye I Kinshasa baganira ku kurandura imitwe y’ inyeshyamba irwanira muri Kongo. Nk’ uko byatangajwe na Africanews icyo gihe u Burundi ntibwari buhagarariwe.

Uru ruzinduko hari icyo ruvuze ku mubano w’ u Burundi n’ ibihugu bituranye birimo RDC n’ u Rwanda na Uganda. Mu kwezi kwa 12 umwaka ushize Perezida Nkurunziza yavuze ko u Burundi bubona u Rwanda nk’ umwanzi aho kurubona nk’ umufatanyabikorwa.

Mbere yo gusura u Burundi, Perezida Tshisekedi yasuye Uganda n’u Rwanda. Perezida Tshisekedi agiye gusura u Burundi nyuma y’ amasaha make yandikiye Perezida Kagame nk’ umuyobozi wa EAC amusaba ko igihugu cye cyakwinjira muri uyu muryango uhuza ibihugu byo muri Afurika y’ Iburasirazuba.

Asuye u Burundi mu gihe u Rwanda n’ u Burundi bitabanye neza, ndetse ni mu gihe u Rwanda na Uganda bitabanye neza. U Rwanda rushinja u Burundi na Uganda gutera inkunga imitwe irurwanya kandi iyo mitwe ikaba ikorera imyitozo muri Repbulika ya Demukarasi ya Kongo. Bivuze ko ibi bihugu uko ari bine bifite aho bihurira n’ ikibazo cya zimwe mu nyeshyamba ziri muri Kongo. Uretse inyeshyamba zirwanya u Rwanda ziri muri Kongo hariyo n’ izirwanya u Burundi n’ izirwanya Uganda, ADF Naru.

Mu minsi ishize Perezida w’ u Rwanda Paul Kagame, uwa Kongo Felix Tshisekedi na João Manuel Gonçalves Lourenço bahuriye muri Kongo biyemeza guhuza imbaraga mu kurandura imitwe y’ inyeshyamba irwanira muri Kongo.

Uru rugamba kururwana byakoroha kurushaho igihe Uganda n’ u Burundi byakwemera kurushingikira kuko aribyo bihugu bishinjwa gutera inkunga imwe mu mitwe irwanira muri Kongo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...