AMAKURU

UKWEZI
ubumwe

Igisirikare cya Sudan cyahawe iminsi ntaregwa yo guha abasivile ubutegetsi kigana AU

Igisirikare cya Sudan cyahawe iminsi ntaregwa yo guha abasivile ubutegetsi kigana AU
17-04-2019 saa 10:53' | By Nsanzimana Ernest | Yasomwe n'abantu 597 | Ibitekerezo

Umuryango wa Afurika yunze ubumwe kuri uyu wa 16 Mata 2019 wagiranye ibiganiro n’ igisirikare cya Sudan nyuma y’ uko gihawe iminsi 15 ngo ubutegetsi bube bwageze mu maboko y’ abasivile nk’ uko byifuzwa n’ abaturage.

Mu cyumweru gishize nibwo igisirikare cya Sudan cyeguje Omar al Bashir wari umaze imyaka 26 ari Perezida wa Sudan. Nyuma yo kweguzwa kwa Bashir w’ imyaka 75 imyigaragambyo y’ abaturage yarakomeje. Abigaragambyaga bavugaga ko barambiwe ubutegetsi bwa gisirikare bashaka kuyoborwa n’ abasivile.

Kuri uyu wa kabiri tariki 16 Mata 2019, abasirikare ba Sudan bagiranye ibiganiro na Afurika yunze ubumwe ku kicaro cyayo I Addis Abeba muri Ethiopia.

Ibyo biganiro byahuje abo basirikare na Perezida wa Komisiyo ya AU Moussa Faki Muhammat byabaye nyuma y’ aho akanama Nyafurika k’ amahoro n’ umutekano gahaye iminsi 15 igisirikare cya Sudan ngo kibe cyahaye abasivile ubutegetsi.

Iryo tsinda ry’ abasirikare ryari riyobowe na Lt-Gen Jalal al-Sheikh al-Tayeb, ryashyikirije Mahamat urwandiko rwa Lt-Gen Abdel Fattah Abdelrahman Burhan uyoboye Sudan muri iyi minsi. Gusa ibiri muri urwo rwandiko ntabwo byashyize ahagaragara.

Magingo aya Afurika yunze ubumwe iyobowe na Perezida wa Egyp, Abdul Fattah al-Sisi, yafashe ubutegetsi muri 2014 akoze coup d’ etat.
Mu ntangiriro z’ uyu mwaka wa 2019, Umuryango w’ Afurika yunze ubumwe yamaganye amatora yashyize ku butegetsi Perezida Felix Tshisekedi wa Repubulika ya Demukarasi ya Kongo ariko ntacyo byatanze.

Omar Hassan Ahmad al-Bashir yabaye Perezida wundi wegujwe n’ igisirikare nyuma ya Robert Mugabe wari umaze imyaka 36 ayobora Zimbabwe.

Bashir kandi yabaye Perezida wa kabiri wegujwe n’ imyigaragambyo y’ abaturage muri uku kwezi kwa kane nyuma ya Abdelaziz Bouteflika wa Algeria.

Abaturage ba Sudan batangira kwigaragambya bavugaga ko babangamiwe n’ igiciro cy’ umugati, nyuma hazamo no kwigaragambiriza izamuka ry’ ibiciro muri rusange, biza kugera aho bavuga ko bashaka ko Bashir ava ku butegetsi.

Bashir wakuwe ku butegetsi arashakishwa n’ Urukiko Mpuzamahanga Mpanabyaha ICC.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...