AMAKURU

UKWEZI
RPF

Intambara y’amagambo yakajije umurego hagati ya Perezida Trump na Perezida wa Iran

Intambara y’amagambo yakajije umurego hagati ya Perezida Trump na Perezida wa Iran
23-07-2018 saa 13:46' | By Muhire Aime Placide | Yasomwe n'abantu 2038 | Ibitekerezo

Ku mugoroba wo Kuri uyu wa 22/07/2018 nibwo Donald Trump yagize icyo avuga ku magambo yari yatangajwe na Rouhani bivugwa ko yaba yari agamije gutera ubwoba Leta Zunze Ubumwe za Amerika.

Nyuma yo gushotora America, Donald Trump yihanangirije Perezida wa Iran

Abinyujije ku rubuga rwe rwa Twitter, Donald Trump yagize ati "Ntuzongere gutera ubwoba Leta Zunze Ubumwe za Amerika cyangwa uzirengere ingaruka. Ntabwo Amerika ari igihugu cyakwihanganira amagambo yawe y’ihohotera n’ubwicanyi, witonde"

Perezida Trump yanditse aya magambo nyuma y’amasaha macye Mike Pompeo, Umunyamabanga wa leta Zunze Ubumwe za Amerika agize icyo avuga ku isabukuru y’imyaka 40 habaye impinduramatwara mu butegetsi bwa Iran. Kuri iki cyumweru, Ibiro Ntaramakuru bya Iran(ISNA) byatangaje Ko Rouhani yasabye Trump ko yaha Iran amahoro.

Mu magambo ye, Perezida wa Iran yagize ati "Amerika igomba kumva neza ko guha amahoro Iran ari byo soko y’amahoro kandi ko kurwanya Iran ari wo muzi w’intambara zose". Yakomeje abwira Trump Ko atagomba gukina n’umurizo w’intare no gutera ibwoba Iran cyangwa se akazabyicuza.

Iran yahawe ibihano bikomeye ndetse ikomeza kotswaho igitugu na Leta Zunze Ubumwe za Amerika nyuma y’uko Trump afashe umwanzuro wo gukura igihugu cye mu masezerano mpuzamahanga abuza Iran gukora intwaro kirimbuzi, yashyizweho umukono mu wa 2015.

Ubutegetsi bwa Iran bushinja Amerika kuyibasira binyuze ku mbuga nkoranyambaga ndetse no gukangurira ibindi bihugu guhagarika kugura peteroli icukurwa muri Iran. Biteganyijwe Ko Peteroli ya Iran izagabanukaho 2/3 ku gaciro yari ifite ku isoko muri uyu mwaka bitewe n’ibihano iki gihugu cyafatiwe


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...