konka coffee
KONKA

AMAKURU

UKWEZI

Izi nizo mpamvu zituma Perezida Trump akekwaho kuba maneko w’ Uburusiya

Izi nizo mpamvu zituma Perezida Trump akekwaho kuba maneko w’ Uburusiya
15-01-2019 saa 11:07' | By Nsanzimana Ernest | Yasomwe n'abantu 2653 | Ibitekerezo

Ibi murabyibuka, kuva yagera k’ ubutegetsi mu mpera za 2016, Perezida wa Leta zunze ubumwe za Amerika Donald Trump hahise hatangira gukekwa ko Uburusiya bwivanze muri aya matora bituma Trump atsinda. Birakekwa ko Trump yaba akorera Uburusiya, ariko se byaje bite kugira ngo Perezida w’ igihugu cy’ igihangange uri k’ ubutegetsi abe akekwaho kuba maneko wa mukeba w’ igihugu ayobora? Nubwo we ubwe ashobora kubihakana dore ingingo zituma akekwa.

Ibiganiro agirana na Putin

Perezida Trump amaze kuganira inshuro eshanu na Perezida Putin w’ Uburusiya, ebyiri muri zo bahuye amaze ku maso. The Washington Post ku wa Gatandatu yatangaje ko ntawe uzi icyo baganiriye muri izo nshuro zose. Nyuma y’ ikiganiro yatangiye I Hamburg muri Nyakanga 2017, ashobora kuba yarahise yaka umusemuzi we ibikubiye mu biganiro yagiranye na Putin akabyibikira.

Donald Trump yagaragaye nk’ umuntu ushyigikiye ko habaho imishyikirano hagati ye na Putin. Nyuma y’ ikiganiro bagiraniye I Helsinki tariki 16 Nyakanga 2018, asa n’ uwemeye ko Kremlin(Uburusiya) butivanze mu matora ya Amerika nubwo byemezwa na FBI n’ Ubutasi bw’ Amerika.

Umusenateri w’ Umudemukarate, Richard Durbin yaribajije ati “Ni gute Vladimir Putin, wahoze akorera ikigo gikomeye cy’ ubutasi bw’ Abarusiya (KGB) utarigeze aba inshuti ya US ari inshuti magara ya Trump?”

Kuri uyu wa Mbere Trump yavuze ngo “Mfitanye umubano mwiza n’ Uburusiya, Ubushinwa, Ubuyapani … ni ikintu kiza ntabwo ari bibi”

Iyirukanwa ry’ Umuyobozi wa FBI

Muri Gicurasi 2017, Donald Trump yirukanye uwari umuyobozi wa FBI James Comey, ashinjwa ko ikirego cya e-mails z’ umutemukarate Hillary Clinton ari kugikora nabi.

New York Times, yatangaje ko iyirukanwa rya James Comey ryatumye Trump atangira kunekwa muri 2017. Abapolisi baketse ko Trump yirukanye Jomes Comey kuko yanze gupfundikira iperereza ku kirego cyo kuba Uburusiya bwaba barivanze mu matora ya Amerika.

Trump yishimiye ko Comey yavuye mu nzira ati “Kwirukana James Comey ni umunsi ukomeye kuri Amerika, yari yarazengereje abapolisi”

Ihanahana makuru

Umunsi umwe amaze kwirukana Comey, Perezida Trump yakiriye muri White House ambasaderi w’ Uburusiya Sergey Lavrov. Uwo munsi yatangaje amakuru akomeye Israel yari yamuhaye arebana n’ umutwe wa Islamic State (IS) ayatangariza itangazamakuru guverinoma ya Israel itamuhaye uburenganzira bwo kuyatangaza, we avuga ko ayatangaje ku nyungu z’ abaturage.

Inyungu z’ ubukungu

Kuva muri 2000 Trump Organization yagurishije imitungo yayo n’ abaherwe b’ Abarusiya. Bisa n’ aho hari ikindi cyari kibyihishe inyuma kuko imitungo Trump yari yaraguze miliyoni 41 z’ amadorali y’ Amerika abo baherwe yayiguze miliyoni 95 z’ amadorali y’ Amerika. Uwahoze ari umunyamategeko wa Donald Trump Michael Cohen aherutse kuvuga ko muri 2015 Trump yari afite gahunda yo kubaka mu Burusiya umutirwa w’ amagorofa 100 I Moscow, uyu munyamategeko avuga ko uyu mushinga utongeye kumvikana kuva yakwiyamamariza kuba Perezida wa Amerika.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...