konka coffee
KONKA

AMAKURU

UKWEZI
Minijust

Kim Jong-un n’ umugore we bageze mu Bushinwa mu ruzinduko rwagizwe ibanga

Kim Jong-un n’ umugore we bageze mu Bushinwa mu ruzinduko rwagizwe ibanga
8-01-2019 saa 13:04' | By Nsanzimana Ernest | Yasomwe n'abantu 1475 | Ibitekerezo

Umuyobozi w’ Ikirenga wa Koreya ya Ruguru Kim Jong-un mu gitondo cyo kuri uyu wa Kabiri tariki 8 Mutarama nibwo yageze mu gihugu cy’ Ubushinwa ku butumire bwa Perezida Xi Jiping.

Itangazamakuru rya Leta y’ Ubushinwa ryatangaje ko Kim Jong-un n’ umugore we bazasoza uruzinduko rwabo mu Bushinwa tariki 10 Mutarama 2019.

Uru ruzinduko rubaye mu gihe hari amakuru avuga ko harimo gutegurwa ibindi biganiro hagati ya Perezida wa Leta z’ Amerika Donald Trump na Kim Jong-un. Muri Kamena umwaka ushize wa 2018 nibwo Kim na Trump bahuriye muri Singapore bagirana ibiganiro ku bijyanye no guhangarika ikorwa ry’ intwaro kirimbuzi.

BBC yatangaje ko hari amakuru avuga ko uru ruzinduko rwa Kim Jong mu Bushinwa ashobora kuba rufitanye isano n’ inkuru y’ ikinyamakuru cyo muri Koreya y’ Epfo cyatangaje ivuga ko gare ya moshe ya Koreya ya Ruguru yambutse umupaka yerekeza mu Bushinwa.

Ayo makuru avuga ko abari bacumbitse muri hoteli yo mu mujyi wa Dandong iri hafi y’ umupaka hari ibyumba babujijwe kugeramo kugira ngo batabona iyo gare ya moshe.

Iyo gare ya moshe ifite ibara ry’ icyatsi ngo isa n’ iyo se Kim Jong-il yajyaga akoresha mu nzinduko yagiraga mu Bushinwa n’ Ubusiya.

Iyi gare ya moshe yageze I Beijing ku mugoroba wo kuri uyu wa Mbere, nyuma muri uyu mujyi hagaragara imodoka ziherekeza Kim Jong-un.

Mu myaka itandadu ya mbere ari ku butegetsi Kim Jong-un ntiyigeze asura Ubushinwa ariko umwaka wa 2018 yasuye Ubushinwa inshuro eshatu.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...