konka coffee
KONKA

AMAKURU

UKWEZI
ubumwe

Kongo: Gusunika itariki y’ amatora byakurikiwe n’ imyigaragambyo

Kongo: Gusunika itariki y’ amatora byakurikiwe n’ imyigaragambyo
27-12-2018 saa 19:13' | By Nsanzimana Ernest | Yasomwe n'abantu 930 | Ibitekerezo

Urubyiruko rwo mu ishyaka ritavuga rumwe n’ubutegetsi rwigabije imihanda mu mugi wa Goma aho rwashyize amabuye muri amwe mu masangano y’imihanda ngo ruhagarike urujya n’uruza.

Iyi myigaragambyo yitabiriwe n’urubyiruko rugera ku 100 nyuma y’umunsi umwe Komisiyo y’Amatora muri Kongo ivuguruye ingengabihe y’amatora. Uru rubyiruko ngo ntirwashimishijwe no kuba amatora yarigijwe inyuma mu ntara zimwe na zimwe.

Bavuga ko icyemezo cya Komisiyo y’ amatora cyo kwimurira ku yandi matariki amatora mu ntara eshatu, Beni, Butembo na Yumbi idashobora kwihanganirwa.

Abari mu myigaragambyo bagashinja Komisiyo y’ amatora gukorera ku mategeko ihabwa n’ishyaka riri ku butegetsi ariko umukuru w’iyi komisiyo yabyamaganiye kure ku rubuga rwe rwa Twitter.

Nyuma y’umwanya utari muto, polisi yakoresheje ibyuka biryana mu maso mu gutatanya abigaragambyaga.

Imyigaragambyo y’I Goma yari yateguwe na Billy Kambale, umukuru w’urubyiruko rwo mu ishyaka ritavuga rumwe na leta rya UNC.

BBC yavuganye n’abari mu myiyerekano kuri telephone mu mujyi wa Butembo bavuga ko barimo gutwika amapine mu mihanda mu kwerekana akababaro kabo.

Ingengabihe nshya y’ amatora ya Perezida wa Kongo iteganya ko amatora azaba tariki 30 Ukuboza, ibyavuye mu matora by’ agateganyo bitangazwe tariki 15 Mutarama, tariki 18 Mutarama hatangazwe amajwi ndakuka, naho muri ziriya ntara zirimo Beni na Butembo amatora azabe muri Werurwe 2019 ku mpamvu CENI ivuga ko ari umutekano muke na Ebola.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...