AMAKURU

UKWEZI
cheno 2020

Kim Jong un, kwirinda covid-19 ngo byaba aribyo byatumye hatangazwa ko yapfuye

Kim Jong un, kwirinda covid-19 ngo byaba aribyo byatumye hatangazwa ko yapfuye
28-04-2020 saa 17:27' | By Nsanzimana Ernest | Yasomwe n'abantu 1895 | Ibitekerezo

Koreya y’Epfo ivuga ko kuba Umuyobozi Mukuru wa Koreya ya Ruguru Kim Jong un yarabuze mu isabukuru ya sekuru Kim II bishobora kuba byaratewe n’uko ashaka kwirinda kwandura covid-19, bitandukanye n’amakuru avuga ko arwaye n’ayavuze ko yapfuye.

Iyi sabukuru iba tariki 15 Mata ni umunsi mukuru ukomeye kuko uyu musaza ariwe ufatwa nk’umubyeyi wa Koreya ya Ruguru.

Kuba uyu mutegetsi atarabonetse muri ibi birori, no mu minsi yakurikiyeho ntagaragare mu ruhame nibyo byabyaye igihuha kivuga ku buzima bwe nk’uko bitangazwa na Reuters.

Kugeza ubu Koreya ya Ruguru ntiratangaza na rimwe ko habonetse umurwayi wa covid-19, nyamara umuturanyi wayo Koreya y’Epfo ifite abanduye barenga ibihumbi 10.

Minisitiri wa Koreya y’Epfo ushinzwe Koreya ya Ruguru Kim Yeon-chul avuga ko iki gihugu cya Koreya ya Ruguru cyafashe ingamba zikakaye zo kwirinda iki cyorezo ndetse ngo birashoboka ko ariyo mpamvu kuva tariki 11 Mata Kim atarongera kugaragara mu ruhame.

Ati “Yego ntabwo yari yarigeze asiba ibirori by’isabukuru ya Kim II Sung kuva yafata ubutegetsi ariko muri iyi minsi iminsi mikuru ikomeye yindi yarahagaritswe kubera coronavirus”.

Minisitiri Kim Yeon-chul avuga ko asanga atari igitangaza kuba Kim Jong un atari kugaragara mu ruhame akurikije uko icyorezo cya covid-19 gihagaze.

Ku Cyumweru nibwo inkuru yabaye kimomo ko Kim yapfuye. Iyi nkuru yaje ikurikira inkuru zavugaga ko yarembye.

Ejo ku wa Mbere Perezida wa Amerika Donald Trump yatangaje ko azi uko Kim Jong ameze, ati Nizeye ko ameze neza".

Nubwo nta tangazo ry’ubutegetsi riravuga ko uyu mutegetsi wa Koreya ya Ruguru arwaye, umuturage w’igihugu cye uba I Washington DC avuga ko ku wa Gatandatu hari gare ya moshe yagaragaye ku mafoto ya satellite bikekwa ko yari itwaye Kim jong un agiye kwivuza mu mujyi wa Wonsan.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...