konka coffee
KONKA

AMAKURU

UKWEZI
Minijust

Magufuli yashimye inama yagiriwe na Perezida Kagame

Magufuli yashimye inama yagiriwe na Perezida Kagame
9-03-2019 saa 10:16' | By Nsanzimana Ernest | Yasomwe n'abantu 3590 | Ibitekerezo

Kuri uyu wa 8 Werurwe 2019 nibwo Perezida w’ u Rwanda Paul Kagame yasoje uruzinduko rw’ iminsi ibiri yagiriraga mu gihugu cya Tanzania, Perezida wa Tanzania John Pombe Magufuli yahishuye ko Perezida Kagame yamugiriye inama nziza izagirira akamaro abaturage ba Tanzania.

Magufuli yatangaje ko we na mugenzi we w’ u Rwanda banganiriye byinshi birimo politiki, ububanyi n’ amahanga n’ ukwishyirahamwe kw’ Afurika y’ iburasirazuba.

Yakomeje avuga ko by’ umwihariko baganiriye k’ ubukungu, Perezida Kagame akamugira inama yo kugura indege.

Yagize ati “Twaganiriye kuri politiki muri rusange, ariko by’ umwihariko twaganiriye k’ ubukungu, ibijyanye no gukorana ubucuruzi hagati y’ ibihugu byombi. Yatugiriye inama yo kugura indege, twagiriwe na Perezida Kagame ko Tanzania yagura indege zayo nk’ uburyo bwo koroshya urujya n’ uruza n’ ubuhahirane hagati y’ ibihugu byombi.”

Magufuli yakomeje agira ati “Ndifuza ko umunsi umwe wazurira Tanzania airways ikakujyana ahantu ukibuka ari inama watugiriye, tuyihaye agaciro kandi turayishimye”

Perezida Kagame yavuze ko we na Magufuli baganiriye ku guteza imbere ibihugu byombi no guteza imbere Afurika y’ iburasirazuba. Yongeraho ko gusura Tanzania byatumye yongera gukoresha ururimi rw’ Igiswayile avuga ko atangiye kwibagirwa kubera kutarukoresha.

Mu butumwa yatanze mu Giswayile yagize ati “Perezida ndagushimira, kunyakira bimpa umwanya wo kwiyibutsa Igiswayile. Nari nzi Igiswayile kinshi ariko bitewe no kutakivuga kenshi narakibagiwe.”

Perezida Kagame yashimiye Magufuli avuga ko ari umuvandimwe akaba n’ inshuti, yongeraho ko Abanyatanzaniya n’ Abanyarwanda nabo ari abavandimwe bakaba n’ inshuti.

Perezida Kagame wari wasuye Tanzania yitabiriye ubutumire bwa mugenzi we , yaherukaga muri Tanzania mu ntangiriro za 2018. Perezida Magufuli we aheruka gusura u Rwanda muri 2016.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...