AMAKURU

UKWEZI
ubumwe

Minisiteri yumviye Perezida Magufuli yimukira mu itaje itaruzura

Minisiteri yumviye Perezida Magufuli yimukira mu itaje itaruzura
17-04-2019 saa 09:30' | By Nsanzimana Ernest | Yasomwe n'abantu 2455 | Ibitekerezo

Umunyamabanga wa Leta mu biro bya Perezida wa Tanzania ushinzwe ubutegetsi bw’ igihugu yatangaje ko yimuriye ibiro bye mu nyubako itaruzura kubera kubahiriza itegeko rya Perezida Magufuli ryo mu minsi itatu ishize.

Mwita Waitara yabitangaje kuri uyu wa 16 Mata 2019 aho yanavuze ko impapuzo zo mu kazi yamaze kuzigeza muri iyo nzu itaruzura.

Perezida Magufuli yatanze iryo tegeko ubwo yatahaga ku mugaragaro umujyi w’ ubutegetsi I Mtumba, Dodoma.

Bijyanye n’ iryo tegeko Minsitiri w’ Intebe Kassim Majaliwa yavuze ko impamvu Minisiteri zimwe zitarimuka ari uko inyubako zazo ziri mu mujyi wa Dodoma aho zigomba kwimukira zitaruzura. Yongeraho ko hari na Minisiteri zitarabona amafaranga yo kuzifasha kwimuka.

Perezida Magufuli yahise avuga ati “Siniteguye kumva impamvu izo nyubako zitaruzura”.

Magufuli yakomeje avuga ko izo nyubako zigomba kwimukirwamo uko ziri. Ati “Byaruta umuntu agakorera munsi y’ igiti cy’ umwembe ariko agakorera aho Minisiteri zimuriwe”

Uyu mukuru w’ igihugu yavuze ko ashaka kuzajya abona Minisitiri igihe cyose amukenereye kandi ko byamworohera kubona Minisitiri uri I Mtumba kurenza ahandi hose.

Minisitiri Waitara yabwiye The Citizen ati “Dufite impapuro zose hano mu biro bishya. Ushobora kudusanga mu biro igihe icyo aricyo cyose. Dukomeje na gahunda zo kurangiza inyubako”.

Mu kwezi kwa 7, 2016 nibwo Minisitiri w’ Intebe Kassim yamenyesheje Minisiteri zose ko zigomba kwimukira Dodoma zikava Daar Es Salaam. Icyo gihe yavuze ko ari itegeko rya Perezida Magufuli ushaka ko bitarenze 2020 Minisiteri zigomba kuba zikorera mu mujyi wa Dodoma.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...