AMAKURU

UKWEZI

Museveni yageretse umutekano mucye uri muri Uganda ku bihugu by’ibituranyi

Museveni yageretse umutekano mucye uri muri Uganda ku bihugu by’ibituranyi
17-09-2018 saa 19:25' | By Vincent Nsengiyumva | Yasomwe n'abantu 7096 | Ibitekerezo 6

Pererezida Yoweri Kaguta Museveni yavuze ku mutekano mucye umaze kwibasira igihugu cya Uganda, avuga ko utezwa na kimwe mu bihugu by’ibituranyi, ngo kandi gukemura iki kibazo bazabikora nk’abahandura ivunja.

Ibi Perezida Museveni yabigarutseho ubwo yagiranaga ikiganiro n’abanyamakuru cyabaye ku wa Gatandatu tariki ya 15 Nzeri 2018.

Muri iki kiganiro n’abanyamakuru cyabereye mu ngoro y’umukuru w’igihugu, Entebbe, Umunyamakuru yabajije Museveni ko biri kuvugwa ko ibihe Uganda iri gucamo by’umutekano muke byaba bifitanye isano n’igihugu cy’abaturanyi ariko atavuze izina.

Ikinyamakuru Chimpreports dukesha iyi nkuru kivuga ko mu gusubiza iki kibazo, Perezida Museveni ntiyigeze abaza umunyamakuru icyo gihugu, ahubwo yahise asubiza ko umutekano muke uri muri Uganda uterwa n’igihugu cy’igituranyi gifasha imitwe y’iterabwoba ibarwanya.

Yagize ati “Ku bijyanye no kumenya niba abo bicanyi baturuka mu gihugu cy’abaturanyi, icyo tuzakimenya. Tugenza gacye, ntidukuka umutima, ntabwo guhandura ivunja bivuze gukata ino ryose. Oya, iyo ryinjiye mu ino ukuguru kose kurababara, ukarihandura utangije umubiri.”

Museveni akomeza avuga ko ikibazo cy’umutekano muke kiri muri Uganda kizacyemurwa hatabayeho guhagarika moto ziri ku isonga mu gukoreshwa haraswa abantu mu mujyi wa Kampala.

Muri iki gihugu hagiye hagaragara ubwicanyi bwa hato na hato bukorerwa abantu bakomeye barimo abayobozi b’amadini ya Islam (Sheiks), abanyapolitike n’abayobozi bakomeye mu nzego z’umutekano.

Muri aba baherutse kwicwa barashwe harimo Sheikh Mustafa Bahiga, Sheikh Daktur Muwaya, Sheikh Jowat Madangu, Sheikh Yusuf Ssentamu, Kirya na Sheikh Yunis Sentuga. Harimo kandi Umushinjacyaha Joan Kagezi; Major Mohammed Kiggundu; AIGP Felix Kaweesi; umucuruzi Susan Magara, Col Abiriga na Mohamad Kirumira uheruka.

N’ubwo museveni agaragaza ko umutekano muke uterwa n’igihugu cy’igituranyi, hari abaturage ba Uganda badahwema kugaragaza ko iby’ubwicanyi bikorerwa abanya Uganda, bukorwa n’ubutegetsi bwa Museveni bugamije kwikiza bamwe mu bagerageza kugaragaza ibitagenda.


INKURU ZA :
Tanga Igitekerezo
Ibitekerezo 6
Peter nsabimana Kuya 20-10-2018

M7 mumurereke hari icyo atazi ko u Rwanda turindwa n’Imana kurwanya u Rwanda ni ukurwanya umugambi w’Imana
Uyu musaza ashaje nabi

Peter nsabimana Kuya 20-10-2018

M7 mumurereke hari icyo atazi ko u Rwanda turindwa n’Imana kurwanya u Rwanda ni ukurwanya umugambi w’Imana
Uyu musaza ashaje nabi

mukarugira emerance Kuya 24-09-2018

ahaa, nimubihorere abo bse muvuze niko bimeze koko ni ninshutiza cyane kubera kwanga u rwanda, kandi ntacyo bazarutwara, gusa bazarugarukira bidatinze, ibi byose babiterwa nubwitonzi bwabanyarwanda, burya gukora ibyawe nibyambere, ntukigane, (ingendo yundi iravuna) nibura ari nziza, none se bariya bose ko ntabyiza bakora?Wakwigana ujyahe?Bose namashyari yabashenguye imitima utagirango hari ikindi cyibibatera, ariko mubareke , ba=ivug=rugute aho bashaka, nibumva ko bageze kuri point bashatse, bazibaza nyuma bitagifite igaruriro.urupfu rw`imbwa n`inyama, ngo uhandura ivunja udakomerekeje umubiri da! ngaho nzaba ndeba M7 ashaje imburagihe kabs, cyokora mwihorere abagande baramuvuga umwe, ahaaa watashye neza wa musaza we?

fifi Kuya 23-09-2018

mbega gusaza wanduranya!cyakora wagira ngo Museveni,Nkurunziza na Kabila bonse ibere rimwe.abantu b’abagabo 3 barindagirira hamwe hakabura n’umwe ugira undi inama?ni ryo terambere bahisemo ngaho nibakomeze.gusa bibuke ko urusaku rw’ibikeri rutabuza....

ttttt Kuya 19-09-2018

Gabanyishyari wamusazawe.reka umwana wareze ayobore neza

eddy Kuya 17-09-2018

nubwo ntacyo yavuze ark birumvikana ko nawe ashaka kuba nkabarundi nanyeCongo akabigereka Ku Rwanda dore ko twagowe . ibibazo byose bibera mu karere ngo nitwe tubiteza

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...