AMAKURU

UKWEZI
ubumwe

Narendra Modi wahaye Abanyarwanda inka 200 agiye gutangiza ‘Gira inka mu Buhinde’

Narendra Modi wahaye Abanyarwanda inka 200 agiye gutangiza ‘Gira inka mu Buhinde’
18-09-2019 saa 13:46' | By Nsanzimana Ernest | Yasomwe n'abantu 575 | Ibitekerezo

Minisitiri w’ Intebe w’ Ubuhinde yabwiye abaturage b’ igihugu cye ko agiye gutangiza gahunda yo guha inka imiryango ikennye y’ Abahinde mu rwego rwo guteza imbere imibereho myiza.

Narendra Modi yavuze ko yasuye u Rwanda agasanga gahunda ya gira inka Munyarwanda ifasha u Rwanda mu kuzamura ubukungu no guhindura imibereho y’ abaturage.

Modi mu butumwa yabwiye abari bateraniye ahitwa Mathura muri Leta ya Uttar Pradesh yavuze ko bigoye ko imiryango yo mu cyaro yatera imbere idafite inka.

Ati “Hari igihugu cyitwa u Rwanda muri Afurika. Nagiyeyo, mu Rwanda hari gahunda y’ umwihariko, guverinoma iha inka y’ imbyeyi imiryango abaturage, inyana ivutse ikazahabwa undi muryango”.

Ikinyamakuru telegraphindia.com cyatangaje ko Minisitiri w’ Intebe Modi yakomeje avuga ko uburyo bwo kuziturirana bukorwa mu Rwanda bugamije ko buri muryango uzatunga inka, kandi ngo korora ni ishingiro ry’ ubukungu.

Ati “Ngewe ubwange niboneye uko kuziturirana bizamura imibereho hariya”.

Minisitiri w’ Intebe Modi yavuze ko byaba byiza iyi gahunda itangijwe no mu Buhinde.

Mu kwezi k’ umwaka ushize Narendra Modi yasuye u Rwanda agabira inka 200 imiryango itishoboye yatujwe mu mudugudu w’ ikitegererezo wa Rweru mu karere ka Bugesera.

Icyo gihe yavuze ko giri inka ari gahunda nziza mu kuzamura imibereho y’ abaturage batuye mu byaro.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...