AMAKURU

UKWEZI
ubumwe

Perezida Museveni yateye imitoma umugore we wagize isabukuru y’ amavuko

Perezida Museveni yateye imitoma umugore we wagize isabukuru y’ amavuko
24-06-2019 saa 16:24' | By Nsanzimana Ernest | Yasomwe n'abantu 2677 | Ibitekerezo

Perezida wa Uganda Yoweli Kaguta Museveni yabwiye umugore we Janet Kataaha Museveni ko ari inkingi y’ umuryango we akaba n’ umubyeyi nyawe w’ igihugu.

Museveni yabyanditse kuri twitter yifuriza Janet Museveni isabukuru nziza. Janet Museveni umugore wa Perezida akaba na Minisitiri w’uburezi muri Uganda yujuje imyaka 71 y’ amavuko none tariki 24 Kamena 2019.

Museveni yagize ati “Isabukuru nziza kuri mama Janet Museveni. Uri inkiki ya mwamba mu muryango wacu ukaba n’ umubyeyi nyawe w’ igihugu. Umutima wawe wo kwitangira akazi utuma ubera urugero abagore benshi muri Uganda no mu Isi. Imana ikomeze ikurindire ubuzima”.

Perezida Museveni na Janet Museveni bashyingiranywe muri Kanama 1973. Bafitanye abana bane aribo Muhoozi Kainerugaba, Natasha Karugire, Patience Rwabwogo, Diana Kamuntu.

Janet Museveni yashimiye umugabo we n’ abandi bose bamwifurije isabukuru nziza.

Ati “Urakoze Muzehe Kaguta Museveni umugabo wanjye akaba n’ inshuti. Ndashimira na buri wese wanyifurije isabukuru. Ndashimira Imana yanyongereye umwaka wo kubaho n’ impano y’ ubuzima bwiza. Imana ibahe umugisha mwese”.



INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...