konka coffee
KONKA

AMAKURU

UKWEZI

Perezida Nkurunziza yirukanye bamwe mu bagize Guverinoma mu gihe bitegura Referandumu

Perezida Nkurunziza yirukanye bamwe mu bagize Guverinoma mu gihe bitegura Referandumu
20-04-2018 saa 11:58' | By Akayezu Jean de Dieu | Yasomwe n'abantu 3941 | Ibitekerezo 1

Kuri uyu wa Kane tariki 19 Mata 2018, Perezida w’u Burundi, Pierre Nkurunziza yirukanye mu myanya bamwe mu bari bagize Guverinoma, mu gihe iki gihugu kiri mu bihe byo kwitegura amatora ya Referandumu ateganyijwe mu kwezi gutaha ahazemezwa niba Nkurunziza azakomeza kuyobora iki gihugu kugeza muri 2034.

Mu birukanwe na Perezida Nkurunziza harimo uwari Minisitiri w’Ububanyi n’Amahanga, Alain Aime Nyamitwe, uyu akaba yari amaze igihe kinini ayobora iyi Minisiteri ndetse akaba anafite umuvandimwe we Willy Nyamitwe nawe usanzwe aba muri guverinoma y’iki gihugu kuri ubu akaba yanagizwe Umuvugizi wa Perezida Nkurunziza.

Ezechiel Nibigira,wari umuyobozi w’urubyiruko mu ishyaka riri ku butegetsi rwamenyekanye nk’imbonerakure niwe wagizwe Minisitiri w’Ububanyi n’amahanga asimbura Alain Aime Nyamitwe.

Abandi ba minisitiri batigeze bongera kugaragara muri Guverinoma barimo Nestor Bankumukunzi wari Minisitiri w’Itumanaho wasimbuwe na Evelyne Butoyi; Dr Josiane Nijimbere, wari Minisitiri w’Ubuzima no kurwanya Sida wasimbuwe na Dr Thaddé Ndikumana; Niyonkuru Pélate wari Minisitiri w’Ubucuruzi yasimbuwe na Jean Marie Niyokindi, mu gihe Ndayizeye Célestin wari Ministiri w’Ibidukikije.

Biteganyijwe ko kuwa 17 Gicurasi 2018, aribwo muri iki gihugu hateganyijwe amatora ya referandumu azemerezwamo niba koko Perezida Nkurunziza azakomeza kuyobora iki gihugu kugeza mu mwaka wa 2034.

Muri Mata 2015, mu Burundi hadutse imyigaragambyo ikomeye y’abatarashyigikiye icyemezo cya Perezida Nkurunziza cyo kongera kwiyamamariza kuyobora iki gihugu, aho bavugaga ko bihabanye n’ibiteganywa n’Itegeko Nshinga ry’iki gihugu, maze abaturage bagera kuri 500 bahasiga ubuzima abandi babarirwa mu bihumbi bahungira mu bihugu by’ibituranyi.


INKURU ZA :
Tanga Igitekerezo
Ibitekerezo 1
nkotanyi Kuya 21-04-2018

ikintangaje ni uyu NYAMITWE uyu muginga yigeze gutuka H.E KAGAME birambabaza none dore peter aramunaze daaa biranshimishije kuba bamwirukanye ministre utukana?!!!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...