AMAKURU

UKWEZI
ubumwe

Perezida Trump ngo agiye kwimuka I New York bamufashe nabi

Perezida Trump ngo agiye kwimuka I New York bamufashe nabi
1-11-2019 saa 10:55' | By Nsanzimana Ernest | Yasomwe n'abantu 3768 | Ibitekerezo

Perezida wa Leta zunze ubumwe za Amerika Donald Trump yatangaje ko agiye kwimukira muri Florida akaba ariho haba urugo rwe ruhoraho aho kuba muri Trump Tower i New York.

Trump yatangaje ko muri New York yafashwe nabi n’abanyapolitiki, nubwo bwose ngo ahatanga za miliyoni z’amadorari y’imisoro buri mwaka.

Trump yavukiye i New York ariko muri ibi bihe igihe kinini akimara ku rugo rwe rwitwa Mar-a-Lago ruri kuri Palm Beach muri leta ya Florida.

BBC ivuga ko Trump atigeze amerana neza na guverineri wa Leta ya New York Andrew Cuomo ndetse na Meya w’umujyi wa New York Bill de Blasio bombi bo mu ishyaka ry’abademokarate.

Aba bombi batangaje ko bishimiye icyemezo ko Trump agiye kwimuka. Blasio yanditse kuri Twitter ati: "Ntihagire n’urugi rukwikubitaho uri gusohoka cyangwa ikindi".

Perezida Trump ntabwo yigeze agaragaraza ibijyanye n’imisoro ye. Urugo rwa Mar-a-Lago ni urwe kuva mu 1985, ubu akunze kugenda kenshi hagati yarwo na White House.

Perezida Trump arashaka kwiyamamariza manda ya kabiri umwaka utaha, ndetse ejo kuwa kane yashimangiye ko yizeye ko azongera kuba muri White House indi myaka ine.

Yanditse ko akunda New York yongeraho ati: "Ariko, nubwo mpatanga imisoro ya za miliyoni z’amadorari buri mwaka, nakomeje gufatwa nabi n’abategetsi ba politiki b’uyu mujyi n’iyi leta".

Ikinyamakuru New York Times cyatangaje ko Trump n’umugore we Melania banditse mu kwezi kwa cyenda bamenyesha Leta ya Florida ko bagiye kuza kuhatura bihoraho.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...