AMAKURU

UKWEZI
ubumwe

Perezida Trump yavuganye na Perezida w’ Ubushinwa kuri telefone

Perezida Trump yavuganye na Perezida w’ Ubushinwa kuri telefone
18-06-2019 saa 17:17' | By Nsanzimana Ernest | Yasomwe n'abantu 1147 | Ibitekerezo

Mu gihe intambara y’ Ubucuruzi ikomeje gufata indi ntera hagati ya Leta zunze ubumwe za Amerika n’ Ubushinwa, abakuru b’ ibihugu byombi bagiranye ibiganiro kuri telefone ndetse hari no gutegura guhura imbonkubone.

Mu butumwa Perezida Donald Trump yashyize kuri Twitter ku gicamunsi cyo kuri uyu wa Kabili yavuze ko we na mugenzi we w’ Ubushinwa Xi Jiping bazahurira mu nama ya G-20 ihuza ibihugu bikize kurusha ibindi ku Isi bakagirana ibiganiro birambuye.

Yagize ati “Nagiranye ibiganiro byiza kuri telefone na Perezida w’ Ubushinwa , Xi. Tuzagirana ibiganiro birambuye mu cyumweru gitaha muri G-20 izabera mu Buyapani. Ikipe zibishinzwe ku mpande zombi ziratangira gutegura inama yacu”.

Ikinyamakuru cya Leta y’ Ubushinwa kimaze gutangaza ko Perezida w’ Ubushinwa Xi Jiping yemeye kuzitabira ibyo biganiro bizamuhuza na Perezida wa Amerika.

Perezida Trump ntabwo yavuze icyo yaganiriye na mugenzi we w’ Ubushinwa Xi Jiping, gusa ibi biganiro bibaye mu gihe Leta zunze ubumwe za Amerika ikomeje guterwa impungenge n’ ubwirinzi bwakozwe n’ Uburusiya bufite ubushobozi bwo guhanurira rimwe indege 80.

Mu ntangiriro z’ uku kwezi kwa 6, Perezida w’ Ubushinwa Xi Jiping yakoreye mu Burusiya uruzinduko rw’ iminsi 3.

Ni mu gihe kandi nta mezi menshi arashira ibihugu byombi (Amerika n’ Ubushinwa byinjiye mu ntambara y’ ubukungu aho Leta zunze ubumwe za Amerika ikora ibikorwa bigamije kugusha Amerika mu bihombo.

Tariki 10 Gicurasi 2019 , Leta ya Amerika yazamuye imisoro ku bicuruzwa biva mu Bushinwa iva ku 10 ku ijana (10%) iyigeza kuri 25%.

Ubushinwa bwavuze ko ’bwababajwe’ n’icyo gikorwa ariko burenzaho’ burafata ingamba zikwiriye zo kwihimura’.

Leta zunze ubumwe za Amerika n’ Ubushinwa nibyo bihugu 2 bya mbere ku Isi bikize kurusha ibindi.

Impamvu yihishe inyuma y’ iyi ntambara y’ ubucuruzi ntabwo iramenyekana neza, gusa mu mpera z’ umwaka ushize wa 2018, umubano w’ ibi bihugu waje agatotsi biturutse ku ntwaro z’ intambara Ubushinwa bwaguze mu Burusiya bigatuma Amerika ibufatira ibihano. Ibintu Ubushinwa butishimiye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...