AMAKURU

UKWEZI
ubumwe

Perezida w’ Abadepite ba Uganda yarakajwe n’ uko Museveni afite ba maneko mu badepite

Perezida w’ Abadepite ba Uganda yarakajwe n’ uko Museveni afite ba maneko mu badepite
26-06-2019 saa 08:19' | By Nsanzimana Ernest | Yasomwe n'abantu 1417 | Ibitekerezo

Rebecca Kadaga, Perezida w’ Inteko Ishinga amategeko ya Uganda asanga kuba amabanga abadepite ba Uganda baganiriye agera kuri Perezida Museveni biteye inkenke.

“Abaperezida b’ amakomisiyo mureke gushyira Museveni amabanga” niko Kadaga yabwiye abadepite mu nteko rusange yo kuri uyu wa Kabili.

Chimpreports yatangaje ko abantu benshi bari baziko Kadaga akorera mu kwaha kwa Perezida Museveni ariko ngo batunguwe no kumva avuga ko yamenye ko hari abayobozi ba za komisiyo zo mu nteko bashyira Museveni amabanga yavugiwe mu nteko ishinga amategeko y’ iki gihugu.

Yagize ati “Niba ari akazu kanyu ibyo birabareba. Ibabazo biri muri iyi nzu, tutaraganiraho ugaterura inyandiko ugashyira Perezida. Ndababurira badepite ikintu nk’ iki nicyongera kubaho muzamenya ikizababaho”.

Rebecca Kadaga ntabwo yavuze amazina y’ abajyanye amakuru y’ ibanga kuri Perezida Museveni, n’ impamvu adashaka ko bikomeza kubaho.

Gusa aherutse gushyirwa kubogama ku kibazo cy’ uburiganya buri gukorwaho iperereza muri Banki nkuru ya Uganda.

Kadaga yasabye Minisitiri w’ imari n’ igenamigambi ko bitarenze ukwezi gutaha kwa 7 agomba kugeza ku nteko ishinga amategeko ibyavuye mu iperereza ku kirego cya Banki nkuru ya Uganda.

Ni nyuma y’ uko abadepite batanyuzwe n’ ibisobanuro bya Minisitiri David Bahati , ku kirego cy’ iburundo by’ amafaranga yafatiwe mu ndege yashyizwe ukwayo ubwo yari agiye kuvanwa mu Bufaransa ajyanywe muri Uganda.

Depite Assoumani Basaalirwa yavuze ko hakenewe ibisobanuro bifatika kugira ngo hatagira abagerekwaho amakosa barengana.

Mu isaranganya ry’ ubutegetsi, bugabanywamo gatatu. Nyubahirizategeko, Nshingamategeko n’ Ubucamanza kandi buri butegetsi muri ubu buba bwigenga. Bivuze ko Perezida w’ Abadepite adakwiye gukorera mu kwaha kwa Perezida w’ igihugu.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...