AMAKURU

UKWEZI

Perezida wa Philippines yavuze ko abapadiri gatolika ari abasazi anasaba ko bakwicwa

Perezida wa Philippines yavuze ko abapadiri gatolika ari abasazi anasaba ko bakwicwa
6-12-2018 saa 13:19' | By Chief Editor | Yasomwe n'abantu 7895 | Ibitekerezo 6

Perezida wa Philippines, Rodrigo Duterte usanzwe uzwiho udushya twinshi n’imvugo zikakaye, yatangije intambara idasanzwe ku bapadiri gatolika barwanya umugambi we wo kwica buri wese ufatiwe mu bucuruzi bw’ibiyobyabwenge, ashimangira ko abo bapadiri ari abasazi kandi nabo bakwiye kwicwa.

Nk’uko Al Jazeera ibitangaza, ibi Perezida Duterte yabitangaje kuri uyu wa Gatatu ubwo yagiranaga inama n’abayobozi mu nzego bwite za Leta mu nyubako z’ibiro bya Perezida. Yavuze ko Kiliziya Gatolika n’abapadiri bayo bihaye kurwanya umugambi we wo kwica buri muntu wese ufatanywe ibiyobyabwenge, icyemezo kidasanzwe kimaze guhitana ubuzima bw’abantu ibihumbi byinshi.

Perezida Duterte yagize ati: "Abo bapadiri mufite aho mubice. Ni abasazi batagize ikintu na kimwe bamaze, icyo bakora gusa ni ukutunenga." Perezida Duterte kandi yakomeje yibasira Kiliziya Gatolika aho yashimangiye ko ari idini rifite uburyarya kandi ngo Imana basenga itandukanye n’iyo Perezida Duterte we yemera.

N’ubwo ariko bisanzwe bizwi ko Perezida Duterte ubwe asengera muri Kiliziya Gatolika ndetse abasaga 90% muri iki gihugu bakaba ari abayoboke bayo, si ubwa mbere abibasira kuko no muri 2017 habayeho ubushamirane bukomeye hagati ya Kiliziya n’uyu mutegetsi, cyane cyane nyuma y’iyicwa ry’abapadiri batatu mu kwezi k’Ukuboza 2017.

Kugeza ubu Polisi ya Philippines ivuga ko abantu basaga 5000 bafashwe bacuruza ibiyobyabwenge ari bo bamaze kwicwa nyuma y’uko Perezida Duterte atangije urwo rugamba rwo kurasa ababicuruza, nyamara imiryango iharanira uburenganzira bwa muntu yo ivuga ko abishwe ari inshuro eshatu z’iyo mibare itangazwa na Polisi.


INKURU ZA :
Tanga Igitekerezo
Ibitekerezo 6
bwenge Kuya 11-12-2018

Mumenye urwego drogue yariho muri Philipines naho ageze agabanya ibiyobyabwenge ntabwo mwakongera gutinyuka kumwita umusazi

shishoza Kuya 10-12-2018

Uyu munyakubahwa mumubwire ko uwishe ababi yamaze abeza . Nibabirwaye ariko bagerageze kugorora aho kwica.
Ko ndora yica abacuruza ibiyobyabwenge se abicanyi bo nawe arimo abahanisha iki? Yiteguye guhanwa se?

HITAYEZU Kuya 9-12-2018

babinywa bashaka iki???

kirenga Kuya 7-12-2018

Uyu president ni umugatolika.Kimwe n’uyu president wa Philippines,abaperezida bose b’u Rwanda bali Catholics.Nyamara benshi muli bo bakoze amahano guhera muli 1961:Mbonyumutwa,Kayibanda,Habyarimana na Sindikubwabo.
Amahano bose bakoze,babifashijwemo n’abakuru b’amadini. Muli 1994 hano mu Rwanda,abategetsi hafi ya bose bari Abagatolika,nibuze 95% (president,ministers,prefets,mayors,executives,senior military officers,etc...).Nyamara hafi ya bose bashinjwa genocide.Ibi byerekana Failure (echec) y’amadini.Ukibaza niba koko abakuru b’amadini bakorera imana nkuko bavuga.

gakuba Kuya 7-12-2018

ahubwo icyo gihugu abaturage bacyo, bayoborwa numusazi! !

kiki Kuya 7-12-2018

nyamara hari aba perezida baba barataye umutwe nkuyu numusazi yaramgije gusara ntabwo yarakwiye kuyobora . nuzarama kubuyobozi amaraso yabobantu wica azakuzonga uribeshya

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...