konka coffee
KONKA

AMAKURU

UKWEZI
ubumwe

Sudan: Iby’ abigaragambya ngo barashaka ubutegetsi bw’ abasivile byajemo kidobya

Sudan: Iby’ abigaragambya ngo barashaka ubutegetsi bw’ abasivile byajemo kidobya
16-05-2019 saa 08:59' | By Nsanzimana Ernest | Yasomwe n'abantu 1033 | Ibitekerezo

Abajenerali bafashe ubutegetsi muri Sudan yasubitse ibiganiro bigamije gushyiraho ubutegetsi bwa gisivile muri iki gihugu bavuga ko bakeneye igihe kugira ngo babanze bite ku kibazo cy’ umutekano muke uri kugaragara mu mujyi wa Khartoum.

Kuri uyu wa Gatatu nibwo byari byitezwe ko uruhande rw’ abigaragambya bashaka gutegekwa n’ abasivile n’ uruhande rw’ abasirikare bahagurukije Omar el Bashir ku ntebe bakayicaraho bashyiraho abayobozi bashya b’ inzibacyuho y’ imyaka 3.

Abo bayobozi bagombaga kuba biganjemo abasivile ariko mu myaka itatu iri imbere ubutegetsi bw’ iki gihugu bukaba bwamaze guhabwa abasivile mu buryo busesuye.

Ubwo ibi biganiro byari birimbanyije General Abdel Fattah al-Burhan yumvise ko hari abantu 8 barashwe bagakomeretswa ahita atangaza ko ibiganiro bihagaritswe mu gihe cy’ amasaha 72.

Burhan uyoboye abasirikare bafashe igihugu yavuze ko ibiganiro bizakomeza ariko asaba abigaragambya gufungura Khartoum, gufungura ibiraro n’ inzira za gale ya moshe no kudakomeza kwendereza inzego z’ umutekano.

Aba basirikare bavuga ko mu bigaragambya harimo abafite intwaro bari kurasaba abasirikare. Gusa ntawahamya ko abo basirikare batoherejwe n’ aba bajenerali mu myigaragambyo nk’ iturufu yo gusiga icyaha abigaragambya nk’ uko bisanzwe bigenda ahenshi muri politiki.

Ejo mu gitondo nibwo ukuriye abigaragambya yabwiye itangazamakuru ko abasirikare bahagaritse by’ agateganyo ibiganiro.

Imibare itangwa na Leta ya Sudan ivuga ko iyi myigaragambyo imaze kugwamo abantu 65, abenshi akaba ari abasivile.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...