AMAKURU

UKWEZI
ubumwe

Trump yihakanye umushinja gushaka kumufata ku ngufu avuga ko ari kwamamaza igitabo

Trump yihakanye umushinja gushaka kumufata ku ngufu avuga ko ari kwamamaza igitabo
25-06-2019 saa 18:56' | By Nsanzimana Ernest | Yasomwe n'abantu 691 | Ibitekerezo 1

Perezida wa Leta zunze Ubumwe za Amerika, Donald Trump, yahakanye ibyo ashinjwa ko yashatse gufata ku ngufu umunyamakuru Elizabeth Jean Carroll mu myaka ya 1990 ubwo bari bari mu mangazini y’i New York anavuga ko atanamuzi.

Perezida Trump yavuze ko uyu mugore abeshya cyane ku byo amushinja kuko bitigeze biba ndetse ko batanakwiranye.

Uyu mugore Carroll w’imyaka 75 y’amavuko yari yatanze ayo makuru mu kinyamakuru New York Magazine ku wa Gatanu w’icyumweru gishize.
Avuga ko Trump yashatse ku mufata ku ngufu ubwo bari bahuriye mu mangazini ya Bergdorf Goodman ari Manhattan mu mpera z’umwaka wa 1995 cyangwa mu ntangiriro za 1996 bari guhaha.
Avuga ko Perezida Trump yamusabye ku mugira inama ku myenda yari arimo agurira undi mugore, hanyuma yikinira amusaba ko yabanza kuyigera. Mugihe bari bari mu cyumba uyu mugore ari kugerageza kwigera iyi myenda, avuga ko Trump yahise umusunikira ku gikuta ashaka ku mufata ku ngufu nawe aza ku mwikura bigoranye cyane.

Mu biganiro yagiranye n’amateleviziyo CNN na MSNBC, uyu mugore usanzwe yandikira ikinyamakuru Elle yavuze ko agiye gukoza umurego kugira ngo Trump akurikiranwe.

Avugana n’ikinyamakuru The Hill mu ngoro y’umukuru w’igihugu, Maison Blanche, Perezida Trump yamaganiye kure ibi ashinjwa binitezwe kuba biri mu gitabo cy’uyu mugore Carroll cyitwa ‘What Do We Need Men For?’ (dukenereye iki abagabo?), giteganyijwe gusohoka

Kuva iby’uyumugore bitangiye kumenyekana, bibaye inshuro ya gatatu Trump abihakana akamushinja ko "arimo agerageza kumenyekanisha igitabo cye gishya " kandi ko "akwirakwiza ibinyoma"

Mu mwaka wa 2016, Trump yavuze andi magambo asa nk’aya ubwo yashinjwaga n’undi mugore witwa Jessica Leeds avuga ko yamukorakoye bari ku kibuga cy’indege mu myaka ya 1980.


INKURU ZA :
Tanga Igitekerezo
Ibitekerezo 1
uwera Kuya 26-06-2019

ESE TURUMPU NIWE MUGABO UKUNDA ABAGORE GUSA MULI aMERIKA NZIMA

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...