konka coffee
KONKA

AMAKURU

UKWEZI

Uganda: Perezida Museveni ashobora kutazongera kwiyamamaza

Uganda: Perezida Museveni ashobora kutazongera kwiyamamaza
9-04-2018 saa 12:01' | By Akayezu Jean de Dieu | Yasomwe n'abantu 5441 | Ibitekerezo

Kuri uyu wa Mbere tariki 9 Mata 2018, ku rukiko rukuru rwa Mbale (Mbale High Court) mu gihugu cya Uganda, harakirwa ibirego by’abatarishimiye ihindurwa ry’Itegeko Nshinga mu ngingo y’102 yakumiraga Perezida Museveni kuba yakongera kwiyamamariza kuyobora iki gihugu. Gusa nk’uko bigaragazwa n’ubushakashatsi buherutse gukorwa muri iki gihugu ngo umubare munini w’abaturage ntushaka ko Itegeko Nshinga rihindurwa.

Ibi bije nyuma y’Inkundura idasanzwe yadutse muri Uganda mu mpera z’umwaka ushize hagati y’abadepite b’Ishyaka NRM riri ku butegetsi ndetse n’abatavuga rumwe nabo nyuma y’uko bamwe mu baturage bagaragaje ko bashaka ivugururwa ry’Itegeko Nshinga kugira ngo hahindurwe ingingo yabuzaga Perezida Museveni kongera kwiyamamariza kuyobora Uganda muri manda itaha.

Abacamanza batanu barayobora uru rubanza barimo Umuyobozi w’urukiko rukuru rwa Mbale Alfonse OwinyDollo, barimo kandi na Remmy Kasule, Elizabeth Musoke, Cheborion Barishaki ndetse na Kenneth Kakuru. Ahagiye kubera uru rubanza umutekano wakajijwe

Ikinyamakuru Dail Mail dukesha iyi nkuru kivuga ko ubushakashatsi bwakozwe bwagaragaje ko mu baturage 100 babajijwe kuri iyi ngingo yo guhindura Itegeko Nshinga mu ngingo yaryo ya 102 (b), abagera kuri 85 (85%) bagaragaje ko badashyigikiye ko iyi ngingo ihinduka.

Perezida Museve mu mpera z’umwaka ushize wa 2017, ubwo yari nteko rusange y’Ishyaka rya NRM (National Resistance Movement) abereye umuyobozi yari yahuje abayobozi bakuru b’iri shyaka bagamije kwiga ku cyemezo cyo guhindura Itegeko Nshinga by’umwihariko ingingo y’102 (B) ivuga ku myaka uwiyamamariza kuba umukuru w’igihugu atagomba kuba arengeje (Age Limit), iyi ikaba ari nayo ikumira Museveni kuba yaziyamamariza manda itaha bitewe n’uko azaba yararengeje imyaka 75 itegenywa n’iyi ngingo.

Mu ijambo Museveni yagejeje ku bari bitabiriye iyi nama atigeze avuga ku kayabo k’amafaranga aherutse guhabwa abadepite ngo bige ku ihindurwa ry’iyi ngingo, ibintu byamaganiwe kure n’abatavuga rumwe n’ubutegetsi bwa Museveni bavuga ko ari ugusesagura umutungo w’igihugu .

Yagize ati “Ndi impirimbanyi y’ubwigenge yarwanye intambara nyinshi, sinshobora gusiga ibi gutyo ngomba kubanza kubitegura (Aha yavugaga kuva ku butegetsi), ikindi kandi ikibazo si imyaka umuntu afite ahubwo ikibazo ni ibyo ugeza ku baturage”

Iyi nkundura yo guhindura itegeko Nshinga muri Uganda yatangiye kugera ku ntera idasanzwe mu kwezi kwa Nzeri 2017, aho bamwe mu batavuga rumwe na Leta ya Museveni bakomeje kurwanya iki cyemezo gusa Perezida Museveni we avuga ko atigeze ashyigikira ko iyi ngingo ihindurwa ahubwo byakozwe n’abaturage ba Uganda ari nayo mpamvu nawe agomba kubashyigikira kuko ari bo akorera. Abagiye kuyobora uru rubanza babukereye


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...