konka coffee
KONKA

AMAKURU

UKWEZI

Umuriro watse hagati ya Perezida Emmerson Mnangagwa na Grace Mugabe

Umuriro watse hagati ya Perezida Emmerson Mnangagwa na Grace Mugabe
27-06-2018 saa 17:09' | By Muhizi Olivier | Yasomwe n'abantu 8399 | Ibitekerezo

Perezida wa Zambabwe Emmerson Mnangagwa aherutse kurokoka igisasu cyari cyatezwe muri sitade ubwo yari mu bikorwa byo kwiyamamazaga ndetse bikarangira gihitanye babiri barimu umurinda naho abandi 40 barakomereka. Nyuma y’ibyabaye, ubu umuriro watse hagati ye na Grace Mugabe bisanzwe bizwi ko bangana urunuka.

N’ubwo abateye igisasu aho Perezida Mnangagwa yiyamamarizaga kugeza ubu bataramenyekana, harashyirwa mu majwi itsinda rya G40 rishyigikiye Grace Mugabe, umugore wa Robert Mugabe wahoze ari Perezida w’iki gihugu cya Zimbabwe.

Mu kiganiro Mnangagwa yagiranye na BBC, yavuze ko akeka ko agatsiko gakorana na Grace Mugabe, umugore wa Robert Mugabe wahoze ari Perezida w’iki gihugu mbere y’uko ahirikwa ku butegetsi muri 2017, ari ko kaba kari inyuma y’igitero cy’abagerageje kwivugana Mnangagwa ubwo yari mu gikorwa cyo kwiyamamaza mu matora ateganyijwe muri Nyakanga uyu mwaka.

Iryo tsinda rya G40 ryifuza ko Grace Mugabe yaba perezida ari nayo mpamvu hakekwa ko bashobora kuba ari bo barashatse kwivugana Perezida Emmerson Mnangagwa.

Amakuru yari amaze gusakara mu mwaka ushize wa 2017 y’uko Grace Mugabe yashakaga gusimbura umugabo we Robert Mugabe ku butegetsi, yagize uruhare mu kubaho kw’inzibacyuho ya politiki ndetse ayo makuru atuma n’igisirikare kiyigiramo uruhare kuko batifuzaga ko Grace Mugabe yayobora iki gihugu.

Mnangagwa yabwiye BBC ko yizeye ko mu minsi ya vuba hazabaho guta muri yombi abakekwaho kugira uruhare muri icyo gitero.
N’ubwo habayeho igisa no kugerageza kumwivugana, Mnangagwa yavuze ko Zimbabwe itekanye ndetse ko abashoramari b’abanyamahanga badakwiye kugira impungenge.

Yavuze ko nta bikorwa by’inzego z’umutekano bizabaho mu gihugu cyose byo guhutaza abantu kubera icyo gitero. Yavuze kandi ko nta gisibya amatora ya perezida ateganyijwe mu kwezi gutaha azaba mu bwisanzure no mu mucyo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...