konka coffee
KONKA

AMAKURU

UKWEZI

Ebola yongeye kugaragara muri Congo Kinshasa, Abanyarwanda bagomba kwitonda

Ebola yongeye kugaragara muri Congo Kinshasa,  Abanyarwanda bagomba kwitonda
9-05-2018 saa 10:24' | By Vincent Nsengiyumva | Yasomwe n'abantu 1582 | Ibitekerezo

Leta ya Repubulika Iharanira Demokarasi ya Congo, yemeje ko abantu 17 bahitanywe n’icyorezo cya Ebola mu mu duce dutandukanye two mu Burengerazuba bw’Amajyarguru y’iki gihugu. Abanyarwanda baturiye imipaka y’ibihugu byombi ndetse n’abahakorera ingendo zitandukanye bakwiye kwitwararika mu rwego rwo kwirinda iyi ndwara igaragaza ubugome n’ubukana budasanzwe.

Kuri uyu wa kabiri tariki ya 8 Gicurasi 2018 nibwo Minisitiri w’Ubuzima wa Repubulika Iharanira Demokarasi ya Congo yatangaje ko mu barwayi 21 basuzumwe hari abarwayi babiri ibipimo bya Laboratwari byasanze bafite virus ya Ebola, ni ahitwa Impenge hafi y’umujyi wa Bikoro mu Ntara ya Equateur mu Burengerazuba bw’Amajyarguru y’iki gihugu.

Itangazo Umuyobozi Mukuru Wungirije ushinzwe Ubutabazi bw’Ibanze muri OMS muri DRC, Peter Salama, yashyize ahagaragara rivuga ko hagiye gutangwa ubutabazi bwihuse mu mujyi wa Bikoro mu rwego rwo kurengera abaturage batarafatwa n’iyi ndwara idasanzwe.

Yagize ati “Icyo dushyize imbere cyane ni ukugera mu Mujyi wa Bikoro tugafatanya na Guverinoma n’abandi bafatanyabikorwa mu gutanga ubutabazi bwihuse nicyo gikenewe mu guhangana n’iki cyorezo cyica.”

Iyi ndwara si ubwa mbere igaragaye muri Repubulika Iharanira Demokarasi ya Congo kuko no mu mwaka wa 2014 yibasiye abaturage b’iki gihugu abagera kuri 49 bahasiga ubuzima ku bw’amahirwe birangira itageze mu Rwanda.

Ikinyamakuru The Mirror, gitangaza ko Leta ya Congo Kinshasa ifite impungenge ko iki cyorezo cyakongera kukibasira by’umwihariko na Afurika y’i Burengerazuba muri rusange, nyuma yaho kihahitaniye abantu basaga 11000 kuva mu 2014 kugera 2016.

Icyorezo cya Ebola cyagaragaye bwa mbere ku mugabane wa Afurika mu mwaka wa 2013 aho yahitanye abantu basaga ibihumbi 11 muri Liberia, Guinea na Sierra Leone abandi ibihumbi n’ibihumbi bakayirokoka ariko bakabana n’ingaruka zayo igihe kitari gitoya.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...