konka coffee
KONKA

AMAKURU

UKWEZI

Ibyishimo bivanze n’agahinda ku mubyeyi wabyaye abana 4 icyarimwe yari yarabuze urubyaro

Ibyishimo bivanze n’agahinda ku mubyeyi wabyaye abana 4 icyarimwe yari yarabuze urubyaro
4-04-2018 saa 15:43' | By Vincent Nsengiyumva | Yasomwe n'abantu 4690 | Ibitekerezo

Umubyeyi witwa Magadaline Namakula w’imyaka 59 wo mu Karere ka Mubende muri Uganda yabyaye abana bane icyarimwe nyuma y’imyaka myinshi yarihebye kubera kubura urubyaro, ndetse n’umugabo we akaza kumwirukana amushinja ko atabyaraga.

Mu mwaka wa 2016 nibwo Magadaline Namakula yabwiwe n’abaganga ko afite uburwayi bw’ibibyimba mu myanya myibarukiro, akaba ari byo byafatwaga nkintandaro yo kutabyara.

Nyuma y’uko umugabo we amwirukanye, Magadaline Namakula yahise asubira iwabo maze baramuvuza aza gukira, nyuma y’igihe gito yibereye iwabo, abona undi mugabo wamwikundiye maze baza no kurushinga .

Uyu mugore avuga ko mu mezi macye abanye n’umugabo wa kabiri ngo yafashwe n’uburwayi bwamubereye amayobera, atangira kubyimba umubiri wose maze agira ngo ni indwara y’icyorezo imwibasiye yihutira kujya kwa muganga atungurwa no kumva bamubwiye ko atwite.

Yagize ati “Nafashwe n’uburwayi nabonaga budasanzwe maze ntagira kubyimba. Natekereje ko ari indwara y’icyorezo yaba imfashe nihutira kujya ku bitaro bya Mulago banshishije mu cyuma bambwira ko ntwite.”

Yakomeje avuga ko byamugoye kwakira ibyo yari abwiwe n’abaganga dore ko banamubwiye ko atwite inda y’abana bane nk’uko Daiy Monitor dukesha iyi nkuru ikomeza ibivuga.

Namakula avuga ko inda ye itigeze iba nini ubwo yari atwite, ku buryo uwo yabwiraga ko abaganga bamubwiye ko atwite inda y’abana bane atabyemeraga.

Akomeza avuga ko mu gihe yari atwite yagiye ahura n’ibibazo bitandukanye, aho yanigeze gufatwa n’uburwayi bw’umutima ariko ajyanwa ku bitaro baramuvura arakira.

Mu ijoro ryo ku wa Kabiri w’icyumweru gishize nibwo Namakula yagiye kunda maze ajyanwa mu bitaro bya Kawempe, aza kubyara abana bane ariko umwe muri bo apfa avuka dore ko byari byananiranye maze baramubaga.

Uyu mubyeyi yakomeje guhura n’insanganya kuko kuwa Gatanu w’icyumweru gishize abandi babiri muri aba bana baje kwitaba Imana agasigarana umwe gusa, kugeza ubu akaba ameze neza ndetse bakaba barasohiotse ibitaro nk’uko yabitangaje.

Namakula yavuze ko ataciwe intege n’uko abana be bahise bapfa avuga ko azi neza ko ari Imana yabikoze. Yavuze ko Imana yari yabamuhaye ari nayo yabisubije bityo ko atazigera agira agahinda kabo.

Magadaline Namakula mu bitaro bya Kawempe yabyariyemo abana bane icyarimwe


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...