AMAKURU

UKWEZI
pax

Abashakashatsi babonye ko abanywi b’itabi baba barusha abandi amahirwe yo kutandura Coronavirus

Abashakashatsi babonye ko abanywi b’itabi baba barusha abandi amahirwe yo kutandura Coronavirus
23-04-2020 saa 16:12' | By Chief Editor | Yasomwe n'abantu 7120 | Ibitekerezo 5

Abashakashatsi bakoze ubushakashatsi ku barwayi b’icyorezo cya Coronavirus mu bitaro byo mu mujyi wa Paris mu Bufaransa, babonye gihamya ko abanywi b’itabi baba bafite ubwirinzi kurusha abandi ku bijyanye n’iki cyorezo, n’ubwo banavuga ko uramutse waramaze kwandura, gukomeza kunywa itabi byo byarushaho gutuma ugaragaza ibimenyetso.

GORILLA GAMES

Radio Mpuzamahanga y’Abafaransa (RFI) itangaza ko abashakashatsi bavuye mu bitaro bitandukanye mu mujyi wa Paris, bavumbuye ko mu barwayi barenga 11.000 bashyizwe mu bitaro muri uyu mujyi mu ntangiro z’ukwezi kwa Mata, abagera ku 8.5 % ari bo gusa banduye basanzwe banywa itabi.

Aba bashakashatsi bakomeje ubushakashatsi bwimbitse ku barwayi 482 mu bitaro bya Pitié-Salpêtrière mu mujyi wa Paris bari baramaze kugaragaza ubwandu bwa COVID-19, nabwo baza kubona ko muri abo abagera kuri 343 bari barembye cyane, muri abo abanywaga itabi bari 4.4% gusa.

Mu kurushaho kubisuzuma neza bita ku myaka no ku gitsina, aba bashakashatsi babonye ko hari ubwirinzi byanze bikunze bugaragara ku bantu banywa itabi ugereranyije umubare w’abandura n’uw’abandi baba batanywa itabi bafatwa n’iki cyorezo.

Ubu bushakashatsi buhura n’ubwakozwe mu Bushinwa kuri iki cyorezo cya Covid-19, bugatangazwa mu mpera z’ukwezi kwa Werurwe mu kinyamakuru cy’ubuvuzi cyo mu Bwongereza. Ubwo bushakashatsi bwo bwagaragaje ko 12.6% by’abarwayi 1099 b’iki cyorezo bakozweho ubushakashatsi, ari bo bari basanzwe banywa itabi, kandi u Bushinwa bukaba buri mu bihugu birimo umubare munini w’abanywa itabi kuburyo bagera kuri 28%.

Ubushakashatsi bwakorewe mu Bufaransa bugaragaza ko ’Nicotine’ iba mu itabi yaba ari yo mpamvu abanywa itabi bagaragaza ibyago bicye byo kwandura icyorezo cya Coronavirus ugereranyije n’abatarinywa.

Aba bashakashatsi ariko baburira abantu ko badakwiye guhita bishora mu kunywa itabi ku bwinshi, kuko ngo bigaragara ko abanywi b’itabi iyo baramutse banduye Coronavirus, ibimenyetso birimo umuriro, inkorora no guhumeka bigoranye birushaho kwiyongera ugereranyije n’uko bigenda ku batanywa itabi.

Kunywa itabi bisanzwe byica abantu benshi kurusha ikindi kintu cyose mu Bufaransa, kuko buri mwaka ababarirwa mu 75,000 bapfa buri mwaka bazize ibibazo n’uburwayi bufitanye isano no kunywa itabi. Ibi Jerome Salomon ukuriye ikigo cy’Ubuzima mu Bufaransa abiheraho yibutsa abaturage b’iki gihugu ko badakwiye guhita bishora mu kunywa itabi,


INKURU ZA :
Tanga Igitekerezo
Ibitekerezo 5
NINTUNZE Leonard Kuya 26-04-2020

ndumiwe kbsa.itabi risanzwe ritera guhumeka nabi none ngo ritanga ubudahangarwa mu mubiri ?

UWIMANA Innocent Kuya 24-04-2020

Ni byo rwose

Iyamuremye eric Kuya 24-04-2020

Nibyo itatabiniribipe ahokujyirangosetunyw itabi bafashe iyo nctn bakayikuramo umuti was covid nibabarawubonyemo sibyora

Iyamuremye eric Kuya 24-04-2020

Nbyope

Iyamuremye eric Kuya 24-04-2020

Nbyope

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...