AMAKURU

UKWEZI
ubumwe

Uko amababi y’ intoryi aribwa kandi akaba n’ umuti w’ impyiko

Uko amababi y’ intoryi aribwa kandi akaba n’ umuti w’ impyiko
20-08-2019 saa 12:12' | By Nsanzimana Ernest | Yasomwe n'abantu 2548 | Ibitekerezo

Amababi y’ intoryi kimwe n’ izindi mboga arimo vitamine n’ imyunyu ngugu umuntu uyakoresha bituma agira ubuzima bwiza by’ umwihariko impyiko ze bizirinda kurwara. Abamo vitamine B na C n’ ubutare bwa Potassium na Calisium.

Izi mboga zifasha mu kuyungurura amaraso by’ umwihariko iyo uziriye zikiri mbisi. Mu burengerazuba bwa Afurika by’ umwihariko mu gihugu cya Nigeria hari abantu benshi barya amababi y’ intoryi. Barimo abo mu bwoko bw’ aba Akwukwo Anyara bo muri Leta ya Igbo n’ abitwa aba Mkpuru Anyara.

Amababi y’ intoryi muri iki gihugu bayafata nk’ ibiryo ariko nanone bayafata nk’ umuti n’ urukingo by’ impyiko.

Amababi y’ intoryi abamo vitamine B na C n’ ubutare bwa potassium na calcium bifitiye akamaro umubiri w’ umuntu mu buryo bwinshi.
Uko wakoresha amababi y’ intoryi mu gusukura impyiko zawe

1.Ronga aya mababi ukoresheje amazi meza,
2.Keka aya mababi nk’ uko ukeka imboga,
3. Yashyire mu isafurira isa neza ushyiremo amazi meza aringaniye,
4. Yateke mu gihe cy’ iminota 10,
5. Yungurura ayo mazi uyashyire mu icupa.

Africa24.infos yatangaje ko aya mazi iyo umuntu anyoyeho ikirahure kimwe , mu gihe cyo kwihagarika imyunyu itari ngombwa mu mubiri n’ ibindi bintu byose byashoboraga kumutera uburwayi bw’ impyiko bisohoka.

Mu Isi umuntu umwe mu bantu 10 afite uburwayi bw’ impyiko abari hagati ya miliyoni 5-10 buri mwaka bahitanywa n’ uburwayi bw’ impyiko.

Ibarura ryakozwe muri uyu mwaka wa 2019 ryagaragaje ko mu Isi abantu miliyoni 2 bari kwifashisha uburyo bwifashisha ibyuma byunganira impyiko mu kuyungurura amaraso ‘dialyze’ kugira ngo bakomeze kubaho.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...