AMAKURU

UKWEZI
pax

Burundi : Habonetse abandi 2 banduye covid-19 mu kubitangaza itangazamakuru ryigenga rihenzwa hanze

Burundi : Habonetse abandi 2 banduye covid-19 mu kubitangaza itangazamakuru ryigenga rihenzwa hanze
12-04-2020 saa 11:17' | By Nsanzimana Ernest | Yasomwe n'abantu 2945 | Ibitekerezo

Minisiteri y’Ubuzima mu Burundi yatangaje ko muri iki gihugu habonetse abandi bantu 2 banduye covid-19, bituma umubare w’abafite iyi virusi muri iki gihugu baba 5.

GORILLA GAMES

Umwe mu basanzwemo iyi virusi ni Umurundikazi w’imyaka 48, utuye I Bujumbura wahuye n’umwe mu batatu ba mbere bagaragayeho iyi virusi mu Burundi.

Undi wasanzwemo covid-19 ni umugabo w’ Umurundi w’imyaka 41, nawe atuye I Bujumbura.

Byatangarije mu kiganiro Minisitiri w’ Ubuzima Dr Thaddée Ndikumana yagiranye n’abanyamakuru kuri uyu wa Gatandatu tariki 11 Mata 2020.

Ikinyamakuru Iwacu Burundi cyandikirwa mu Burundi cyatangaje ko cyo n’ibindi binyamakuru byose byigenga bikorera mu Burundi byabujijwe kwinjira mu cyumba iki kiganiro n’abanyamakuru cyabereyemo.

Imiryango mpuzamahanga ishinja u Burundi guhisha nkana imibare nyakuri y’abantu banduye coronavirus bari ku butaka bwabwo.

Iwacu Burundi yatangaje ko ibinyamakuru byemerewe kwinjira muri iki kiganiro n’abanyamakuru ari Radiyo na televiziyo by’u Burundi (Rtnb), Mashariki TV na Rema FM. 

Intego y’ikiganiro n’abanyamakuru iba ari ukugeza ubutumwa ku bantu benshi hifashishijwe itangazamakuru, gusa bimwe mu binyamakuru byahejwe nibyo bikurikirwa n’abantu benshi.

Ku rubuga rwa Twitter RTNB ikurikirwa n’abantu 25 300, iwacu Burundi ikurikirwa n’abantu 49 100, Mashariki tv ikurikirwa n’abantu 5100.

Ku Isi abamaze kwandura coronavirus ni 1,784,335 abo imaze kwica ni 108,962 abayikize ni 405,043.


INKURU ZA :
Tanga Igitekerezo
Ibitekerezo
canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...