AMAKURU

UKWEZI
ubumwe

‘Ibihaha by’ Isi yacu biri gushya , Isi iri gupfa’ amagambo atabariza ishyamba rya Amazonie [AMAFOTO]

‘Ibihaha by’ Isi yacu biri gushya , Isi iri gupfa’ amagambo atabariza ishyamba rya Amazonie [AMAFOTO]
23-08-2019 saa 12:18' | By Nsanzimana Ernest | Yasomwe n'abantu 7164 | Ibitekerezo

Abantu batandukanye, Imiryango irengera ibidukikije n’ Umunyamabanga Mukuru w’ Umuryango w’ Abibumbye Antonio Guterres bashyize ijwi ejuru batabariza ishyamba ry’ Amazonie muri Brazil rimaze iminsi rishya Perezida w’ iki gihugu akaba yaratereye agate muryinyo.

Ishami ry’ umuryango w’ abibumbye ryita ku bidukikije, United Nations Environment Programme (UNEP) ryavuze ko uyu mwaka ishyamba ry’ Amazonie rimaze gushya inshuro 84% ugereranyije n’ umwaka ushize wa 2018.

Iri shyamba rifashwe n’ inkongi nyuma y’ icyumweru kimwe, Perezida wa Brazil Jair Bolsonaro yeguje umuyobozi wari ushinzwe ibidukikije kuko yari yanze ko iri shyamba ritemwa.

Abashinzwe kurengera ibidukikije baravuga ko kuba iri shyamba riri gushya ari amakosa ya Perezida Jair Bolsonaro kuko ariwe washishikarije abaturage kurijyamo bagatema ibiti, bagacura, bakarihingamo.

Antonio Guterres yagize ati “Mbabajwe cyane no kuba iri shyamba riri gushya. Mu mihindagurikire y’ ikirere ntidushobora kwihanganira kubona isoko ngari ya oxygene n’ urusobe rw’ ibinyabuzima yangirika”

Uwitwa Brittany Summers yanditse kuri twitter ati “Ibihaha by’ Isi yacu biri gushya. Umugabane wacu uri gupfa. Birarambiranye tugomba kigira icyo dukora tugatabara umugabane wacu”.
Mu saha 24 abantu barenga ibihumbi 77 bamaze gusinya urwandiko rusaba guverinoma ya Brazil guhaguruka ikagira icyo ikora ku ishyamba rya amazonie riri gushya.

Kuri twitter hakozwe Hashtag iri gukoreshwa mu gutanga ibitekerezo kuri iki kibazo cyo gushya ku ishyamba rya Amazonie , Dusabire ishyamba rya amazonie, #PrayforAmazonia #PrayforAmazonas, iyi Hashtag hari abasanga idakwiriye bayihinduye bakoresha #Actforamazonia, “Tugire icyo dukora ku ishyamba rya Amazonie”.









INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...