AMAKURU

UKWEZI
Canal+ christmax

Kenya : Abarwayi ba coronavirus biyongereye bagera kuri bane

Kenya : Abarwayi ba coronavirus biyongereye bagera kuri bane
17-03-2020 saa 19:09' | By Nsanzimana Ernest | Yasomwe n'abantu 496 | Ibitekerezo

Guverinoma ya Kenya kuri uyu wa Kabili tariki 17 Werurwe 2020 yatangaje ko ku butaka bwayo habonetse umurwayi wa kane ufite coronavirus.

Ni nyuma y’uko tariki 13 Werurwe 2020 aribwo iyi guverinoma yemeje ko ku butaka bwayo habonetse umurwayi wa mbere ufite corona virus.

Umurwayi wa kane wasanzwemo coronavirus muri Kenya, tariki 8 Werurwe yavuye I Londres mu Bwongereza nk’uko byatangajwe n’ umunyamabanga wa guverinoma ya Kenya ushinzwe ubuzima Mutahi Kagwe.

Kagwe yatangaje ko bapimye abagenzi 22 bari kumwe n’uyu murwayi mu ndege basanga bo ntabwo banduye coronavirus.

Mu kiganiro Kagwe yagiranye n’ abanyamakuru yavuze ko abantu 27 bahuye n’umurwayi wa mbere wasanzwemo corona virus muri Kenya bapimwe basanga 25 ntabwo banduye iyi virus ariko 2 barayanduye.

Guverinoma ya Kenya yavuze ko mu rwego rwo kwirinda ibihombo bikomeye by’ubukungu itari buhagarike amakamyo n’ubwato ngo ariko birajya bibanza guterwa umuti wica udukoko.

Kagwe yasabye abaturage ba Kenya kwirinda guhererekanya ibiganza basuhuzanya, abamenyesha koi bi atari ukwica umuco ko ahubwo ari ukubera iminsi idasanzwe isi yagiyemo kubera icyorezo cya corona virus.

Kugeza aka kanya UKWEZI twandika iyi nkuru abamaze kwandura ku rwego rw’ Isi ni 190,932, abamaze kwica na coronavirus ni 7,531 abamaze guhira corona virus ni 80,889.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA