konka coffee
KONKA

AMAKURU

UKWEZI
ubumwe

Kongo: Imibare y’abamaze guhitanwa na Ebola ikomeje kwiyongera

Kongo: Imibare y’abamaze guhitanwa na Ebola  ikomeje kwiyongera
24-06-2019 saa 15:03' | By Nsanzimana Ernest | Yasomwe n'abantu 510 | Ibitekerezo 1

Minisiteri y’ubuzima muri Kongo yatangaje ko imibare y’abantu bamaze guhitanwa na Ebola igeze ku 1,506 ku bantu 2,239 bayanduye kuva mu kwezi kwa munani.

Uyu mubare niwo munini ukurikira abagera ku 11,300 bishwe n’iyi ndwara mu bihugu byo mu burengerazuba bwa Africa ubwo yadukaga mu 2014.

Iyi mibare yatangajwe kuri cyumweru nijoro ivuga ko abantu 621 bakize iyi ndwara ariko hari abandi 13 byemejwe ko bayanduye vuba aha, mu gihe bakurikiranye abandi 276 bayikekwaho.

Ebola igera ku bantu ivuye ku nyamaswa z’ishyamba nk’inguge cyangwa impongo zayanduye iyo abantu bazikozeho cyangwa baziriye.
Abantu bayanduzanya vuba cyane mu gukoranaho biciye mu matembabuzi yose nubwo yaba macye cyane ava ku muntu wanduye.
Muri Kongo ebola iri mu Ntara za Kivu ya ruguru na Ituli. Mu duce twa Beni na Katwa muri Ituli niho hagaragaye abarwayi benshi n’abo yishe benshi.
Ebola muri uku kwezi yageze muri Uganda mu gace ka Kasese kegeranye na Kongo aho yishe abantu babiri, abandi bari bayanduye basubijwe muri Kongo aho yahitanye bamwe muri bo.
Ibihugu bituranye n’aka gace ka Kongo cyane cyane Uganda n’u Rwanda byafashe ingamba zo kwirinda ko ebola igera muri ibi bihugu.
Iyi ndwara iterwa na Virus yabonetse bwa mbere mu 1976 mu mujyi muto witwa Yambuku mu majyaruguru ya Kongo ibonywe n’umushakashatsi kuri za mikorobe na virusi, Prof Peter Piot.
Uyu mubiligi niwe wise iyi virus Ebola, ubusanzwe ni umugezi uri kuri kilometero 96 uvuye mu mujyi wa Yambuku, kugira ngo abatuye uyu mugi badashyirwa mu kato cyangwa bikabatera ipfunwe.


INKURU ZA :
Tanga Igitekerezo
Ibitekerezo 1
Siborurema,augasten Kuya 6-07-2019

Ndasobanukiwe,murakoze

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...