AMAKURU

UKWEZI
pax

Minisitiri w’ Intebe w’ Ubwongereza urwaye coronavirus yajyanywe mu ndembe ‘afite ingorane mu guhumeka’

Minisitiri w’ Intebe w’ Ubwongereza urwaye coronavirus yajyanywe mu ndembe ‘afite ingorane mu guhumeka’
7-04-2020 saa 07:38' | By Nsanzimana Ernest | Yasomwe n'abantu 2010 | Ibitekerezo 2

Boris Johnson, Minisitiri w’Intebe w’ Ubwongereza yajyanywe mu bitaro byitiriwe Mutagatifu Thomas mu ijoro ryakeye nyuma y’uko akomeje kurembywa n’icyorezo cya coronavirus.

Ejo ku wa mbere ntabwo yari arembye cyane mu gitondo ariko uko umunsi ukura yatangiye kugira ingorane zo guhumeka biba ngombwa ko ajyanwa mu bitaro kugira yongererwe umwuka(oxygen).

Ubwo yajyanwaga mu bitaro yari atarajya muri koma ariko abaganga basabwe kumuba hafi kuko hari impungenge yo ashobora kuremba cyane mu ijoro.

Mbere y’uko ajyanwa mu bitaro by’indembe yabanje guhereza inshingano, Minisitiri w’ Ububanyi n’amahanga Dominic Raab kuko ariwe wari umwungirije.

Raab ubu niwe uyoboye guverinoma y’Ubwongereza ninawe ufite inshingano yo guhangana n’icyorezo cya coronavirus mu Bwongereza, dore uko iki gihugu kiri mu bihugu 10 bya mbere bizahajwe cyane n’iki cyorezo.

Ubwongereza bufite abarwayi 51,608 abamaze gukira ni 5,373abo iyi virus imaze guhitana ni 135.

Ku cyumweru nibwo Boris yajyanywe mu bitaro byitiriwe Mutagatifu Thomas biri mu mujyi wa London gusa icyo gihe yari afite ibimenyetso bidakanganye cyane bya coronavirus. Byageze saa moya z’umugorona kuri uyu wa mbere yatangiye kunanirwa guhumeka ahita ajyanwa ahavurirwa indembe.

Perezida wa Leta zunze ubumwe za Amerika Donald Trump yavuze ko Boris ari inshuti ye akaba n’inshuti y’ Amerika ati “Abanyamerika bose bari kugusengera bagusabira gukira”.

Perezida w’ Ubufaransa Emmanuel Macron yoherereje Boris ubutumwa bumwifuriza gukira, ati “Nifatanyije Boris Johnson, umuryango we n’abaturage b’Ubwongereza muri ibi bihe bikomeye, ndabifuriza gutsinda ibi vuba”.

David Cameron, wahoze ari Minisitiri w’ Intebe w’Ubwongereza nawe yifurije Boris gukira amubwira ko ari mu biganza byiza ati “Ndi kugutekereza wowe n’umuryango wawe muri iri joro, urakira vuba. Uri mu biganza byiza, twese turakwifuriza ubuzima bwiza no kugaruka mu biro bya Minisitiri w’Intebe ‘downstreet’”


INKURU ZA :
Tanga Igitekerezo
Ibitekerezo 2
binel Kuya 9-04-2020

ariko noneho ndumiwe pe ministry w intebe w igihugu gikomeye nkiki nawe azahara bene kariya kageni ahaaaaa abasenga nimusenge

TO SEE NIY Kuya 8-04-2020

abazahajwe na covid 19 tori kubasengera cyane kandi natwe twirinda.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...