AMAKURU

UKWEZI
Canal+ christmax

Mu minsi 7 gusa abarenga ibihumbi 100 bamaze kwandura coronavirus

Mu minsi 7 gusa abarenga ibihumbi 100 bamaze kwandura coronavirus
21-03-2020 saa 12:14' | By Nsanzimana Ernest | Yasomwe n'abantu 2856 | Ibitekerezo

Imibare itangwa n’urubuga worldometers.info rutanga amakuru ku cyorezo cya coronavirus ku rwego rw’ Isi irerekana ko mu minsi irindwi ishize abarwayi ba coronavirus nshya yahawe izina rya COVID-19 bamaze kwiyongeraho abantu basaga gato ibihumbi 100.

Uru rubuga tariki 14 Werurwe 2020, rwatangaje ko abari bamaze kwandura icyo gihe bari 145 929, mangingo aya (tariki 21 Werurwe) abamaze kwandura iyi virusi ni 277,300, bivuze ko bamaze kwiyongeraho abasaga gato ibihumbi 100.

Mu minsi irindwi ishize abari bamaze guhitanwa na COVID-19 bari 5 440 mu mezi atatu, nyuma y’ icyumweru kimwe gusa ubu bamaze kuba 11 431 bivuze ko bamaze kwiyongeraho ibihumbi 6.

Iyi virus yagaragaye bwa mbere i Wuhan mu Bushinwa mu mpera z’ umwaka ushize. Nyuma y’ amezi atatu abari bamaze gukira bari 72 553, ubu abamaze gukira ni 91,994.

Kugeza ubu ibihugu bikize kurusha ibindi ku Isi nibyo byiganje mu bihugu bifite abarwayi benshi ba COVID-19. Kugeza mu ntangiriro z’ ukwezi kwa 3 igihugu cy’ Ubushinwa nicyo cyari cyugarijwe cyane n’ iyi virus ya COVID-19 ariko ubu igihugu cy’ Ubutaliyani nicyo gihugu kiri mu kaga cyane kuko buri munsi gitakaza abarenga 500 bazize COVID-19.

Uyu munsi mu Bushinwa harabarurwa abantu ibihumbi 6 barwaye COVID-14 muri miliyari na miliyoni 400 z’abaturage batuye iki gihugu, mu gihe mu Butaliyani abarwaye COVID-19 uyu munsi ari ibihumbi 37 muri miliyoni 60 zituye Ubutaliyani.

Mu bihugu bifite abarwayi benshi ba COVID-19 Ubushinwa buri ku mwanya wa 7, inyuma y’ Ubutaliyani bufite abarwayi ibihumbi 37, Espagne ifite abarwayi ibihumbi 18, Ubudage bufite abarwayi ibihumbi 19, USA ifite abarwayi ibihumbi 19, Iran ifite abarwayi ibihumbi 11, Ubufaransa bufite abarwayi ibihumbi 10, na Koreya y’ Epfo ifite abarwayi ibihumbi 6.

Mu bihugu bimaze gupfusha abaturage benshi bazize COVID-19 Ubutaliyani nibwo buza imbere aho bumaze gutakaza abaturage ibihumbi 4, Ubushinwa bumaze gutakaza abaturage ibihumbi 3, bikurikirwa na Espagne na Iran bimaze gutakaza abaturage, igihumbi, igihumbi.

Kugeza ubu nta muti wa COVID-19 uremezwa n’ Ishami ry’ umuryango w’abibumbye ryita ku buzima OMS, gusa Leta zunze ubumwe za Amerika n’ Ubushinwa biri mu igererageza ry’ urukingo rw’ iki cyorezo ndetse Ubushinwa bwatangaje ko bufite umuti uhashya COVID-19.

Imbonerahamwe igaragaza ibihugu byugarijwe cyane na COVID-19


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA