AMAKURU

UKWEZI
ubumwe

Barwanye inkundura bapfa umukobwa 50 bakomereka bikomeye benshi batabwa muri yombi

Barwanye inkundura bapfa umukobwa 50 bakomereka bikomeye benshi batabwa muri yombi
26-07-2019 saa 13:59' | By Nsanzimana Ernest | Yasomwe n'abantu 4724 | Ibitekerezo

Nibura abanyeshuri 50 bajyanywe mu bitaro nyuma yo guterwamo ibyuka biryana mu maso kubera imirwano ikomeye yabereye mu gace ka Mbale muri Uganda.

Iyi mirwano yashyamiranyije abanyeshuri bo mu bigo bibiri bituranye mu gace ka Mbale yaturutse ku rukundo.

Polisi ya Uganda byayisabye gukoresha ibyuka biryana mu maso kugira ngo ibashe guhosha iyi mirwamo.

Abanyeshuri bakomerekeye muri iyi mirwano bari kuvurirwa mu bitaro by’ ikitegererezo bya Mbale, ibitaro bya Joy Hospice, ivuriro rya Viena, ivuriro rusange rya Mbale n’ ahandi.

Umwe mu banyeshuri bari mu bitaro yavuze ko iyi mirwano yatewe n’ uko umunyeshuri wo ku ishuri ryisumbuye rya Mbale yakubise umunyeshuri wo ku ishuri rikuru rya Mbale amuziza ko yamutwaye umukobwa bari bamaze igihe bakundana.

Umuvugizi wa Polisi mu gace iyi mirwano yabereyemo Robert Tukei yemeje iby’ iyi mirwano ariko ahakana amakuru avuga ko abana bajyanywe mu bitaro kubera ko bahumetse umwuka urimo urusenda ‘teagas’.

Yagize ati “Polisi yatabaye kugira ngo ihagarike imirwano. Niba hari abakomeretse bakomeretse kubera imirwano ntabwo bisobanuye ko bakomeretse kubera ibyuka biryana mu maso”.

Tukei yavuze ko abanyeshuri 30 bo mu bigo byombi batawe muri yombi kubera iyi mirwano. Ati “Twataye muri yombi abanyeshuri 30 bazahanwa hagurikijwe amategeko”.

Abatawe muri yombi bafungiye kuri sitasiyo ya Polisi ya Mbale. Polisi ya Uganda ivuga ko yatangiye iperereza ngo imenye icyabaye intandaro y’ iyi mirwano.

Stephen Wambalo, umuyobozi w’ ishuri rya Mbale High School yavuze ko abanyeshuri bahumetse ibyuka biryana mu maso bakajya bata ubwenge bakagwa nk’ ibiti.
Ati “Ubwo polisi yahageraga ije gutanga ubufasha yakoresheje ibyuka biryana mu maso benshi bavuza induru kubera uburibwe”.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...