AMAKURU

UKWEZI

Umuherwe wa mbere muto muri Africa yashimuswe bunyago aburirwa irengero

Umuherwe wa mbere muto muri Africa yashimuswe bunyago aburirwa irengero
11-10-2018 saa 12:34' | By Chief Editor | Yasomwe n'abantu 3710 | Ibitekerezo 1

Mohammed Dewji ufatwa kugeza ubu nk’umuherwe wa mbere muri Afurika ukiri muto, yashimuswe n’abantu bataramenyekana bamusanze ari muri siporo mu gitondo cyo kuri uyu wa Kane tariki 11 Ukwakira 2018, bakaba bamukuye muri hoteli yo mu mujyi wa Dar es Salaam mu gihugu cya Tanzaniya.

Ikinyamakuru Jeune Afrique gitangaza ko Mohammed Dewji yatwawe n’abantu bitwaje intwaro bari bipfuse mu maso, bakaba bamusanze mu cyumba cy’imikino (Gym) yakoreragamo siporo ya mugitondo, hanyuma barasa mu kirere akanya gato ubundi binjira mu modoka bahita bamutwaramo bariruka. Abatangabuhamya babonye abo bantu bahamya ko hari harimo abazungu babiri.

Aya makuru yemejwe na Minisitiri wo muri Tanzania ushinzwe ibidukikije abinyujije ku rubuga rwa Twitter. Uyu muyobozi witwa January Makamba yagize ati: "Navuganye na Se, amakuru y’uko yatwawe bunyago ni ukuri. Mohammed afite umugore n’abana bato, mudufashe kumenya amakuru yatuma atabarwa"

Mohammed Dewji w’imyaka 43 y’amavuko, ni umushabitsi wo muri Tanzania akaba anakuriye ikigo Mohammed Enterprises Tanzania Limited gifite inganda zitandukanye, cyashinzwe na se mu 1970, kikaba gifite ibikorwa by’ubucuruzi mu bya peteroli, iby’ubwishingizi n’amazu.

Mohammed Dewji wavukiye i Singida muri Tanzania mu 1975, yize ibijyanye n’ubucuruzi muri Kaminuza ya Georgetown muri Amerika, arangije asubira iwabo muri Tanzania gucunga imitungo y’umuryango we.

Ikinyamakuru Forbes Magazine muri uyu mwaka wa 2018 cyamugaragaje nk’umuherwe wa mbere ukiri muto ku mugabane wa Afurika akaba n’uwa 17 ku rutonde rusange rw’abaherwe bo muri Afurika, n’akayabo k’amadolari 1.540.000.000, ni ukuvuga ko uyabaze mu mafaranga y’u Rwanda yakabakaba 1.360.077.480.000.


INKURU ZA :
Tanga Igitekerezo
Ibitekerezo 1
Mazina Kuya 12-10-2018

Nkuko bible ibivuga ahantu henshi,ubukire buteza ibibazo byinshi.Abakire bahora bahangayitse.Niyo mpamvu imana idusaba "kunyurwa" n’uduke dufite.Ngo niba dufite aho kuba,ibyo kurya n’imyenda,birahagije.Ikintu Imana idusaba gukora kurusha ibindi byose,ni "gushaka mbere na mbere ubwami bw’imana" nkuko Matayo 6,umuronga wa 33 havuga.Impamvu Yesu yatugiriye iyo nama,yavuze ko ari kugirango "azatuzure ku munsi w’imperuka aduhe ubuzima bw’iteka".Bisome muli Yohana 6:40.Ikibazo nuko abantu batabyitaho,bakibeshya ko ubuzima gusa ari:amafaranga,shuguri,politike,etc...Umunsi umwe Yesu yabajije abantu ati:"Byakumarira iki gukira cyane,warangiza ugapfa",ntuzabone ubuzima bw’iteka?Yesu yadusabye gukora kugirango tubeho,ariko adusaba no gushaka ubwami bw’imana.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...