konka coffee
KONKA

AMAKURU

UKWEZI

Abanyeshuri benshi ba kaminuza ya Makerere barimo n’umuyobozi batawe muri yombi

Abanyeshuri benshi ba kaminuza ya Makerere barimo n’umuyobozi  batawe muri yombi
16-04-2018 saa 13:16' | By Akayezu Jean de Dieu | Yasomwe n'abantu 2261 | Ibitekerezo

Abanyeshuri ba Kaminuza ya Makerere iri I Kampala muri Uganda, babyukiye mu myigaragambyo ikomeye ku cyicaro cy’iyi kaminuza Polisi iratabara ita muri yombi bamwe mu batangije izi mvururu barimo n’umuyobozi uhagarariye abanyeshuri.

Aba banyeshuri batawe muri yombi bazize iyi myigaragambyo bivugwa ko bayikoze bamagana icyemezo cyafashwe n’ubuyobozi bwa ‘Makerere University’ cyo kongera amafaranga y’ishuri no kuba bamwe barabuze amanota yabo y’ibizamini bakoze.

Iyi myigaragambyo yakozwe n’abanyeshuri yangije ibikorwsho bimwe by’iki kigo aho mu guhosha iyi myigaragambyo Polisi ya Uganda yifashishije ibyuka bihumanya ibijugunya muri aba banyeshuri ndetse ihita ifunga abagera kuri batandatu barimo na Papa Were Salim, usanzwe ari umuyobozi uhagarariye abanyeshuri (Guild President).

New Vision dukesha iyi nkuru yavuze ko kugeza ubu Polisi yagerageje guhosha iyi myigaragambyo ndetse na bamwe mu bayenshuri bakaba basubiye mu masomo nk’uko bisanzwe mu gihe hategerejwe ibiganiro bijyanye no kugabanya aya mafaranga y’ishuri.

Ku mugoroba wo ku Cyumweru tariki 15 Mata 2018, nibwo ubuyobozi bw’iyi kaminuza bwari bwasohoye itangazo rishimangira ko ubusabe bw’aba banyeshuri babwakiriye ndetse bavuga ko umuyobozi mukuru wungirije w’iyi kaminuza ari mu gihugu cya Kenya mu nama ariko azagaruka kuwa gatatu akagirana inama n’abayobozi bahagarariye abanyeshuri mu rwego rwo gushakira umuti ibi bibazo. Guild President wa Makerere University nawe yatawe muri yombi/Ifoto:New Vision


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...