konka coffee
KONKA

AMAKURU

UKWEZI
Minijust

Abasirikare ba Uganda bakozanyijeho bararasana baricana hagati yabo

Abasirikare ba Uganda bakozanyijeho bararasana baricana hagati yabo
13-05-2019 saa 09:49' | By Chief Editor | Yasomwe n'abantu 9345 | Ibitekerezo

Ubuyobozi bw’igisirikare cya Uganda burimo gukora iperereza ku bikorwa byabaye hagati y’ingabo zabo ziri mu butumwa bwo kubungabunga amahoro i Mogadishu muri Somalia, aho umwe mu basirikare yarashe abamukuriye hanyuma nawe agahita yirasa.

Amakuru aturuka i Mogadishu avuga ko abasirikare bane ari bo bapfiriye muri uko kurasana kwabaye kuwa Gatandatu w’iki Cyumweru dusoje. Umuvugizi w’Igisirikare cya Uganda, Brig Richard Karemire, we yari yatangaje ko abapfuye ari abasirikare babiri bakaba barimo gukora iperereza ngo hamenyekanye icyatumye barasana.

Uku kurasana kwabereye mu birindiro by’ingabo za Afurika yunze ubumwe (AMISOM) zibungabunga amahoro muri Somalia, Uganda ikaba ari cyo gihugu gifitemo umubare munini w’abasirikare.

Si ubwa mbere ibikorwa nk’ibi byo kurasana hagati y’abasirikare ba Uganda biba, cyakoze ibyagiye biba cyane ni iby’abasirikare bagiye barasa abasivili. Nko mu mwaka wa 2016, St Isaac Obua yarashe bagenzi be barindwi ku kigo cy’umutwe w’abasirikare bashinzwe kubungabunga imyitwarire y’abasirikare i Kampala (Makindye Military Police Barracks).

Mu kwezi k’Ukuboza 2018, nwbo Pte Isaac Newton Okello yahamijwe icyaha cyo kwica umugore wari utwite hamwe n’umugabo we ndetse n’umwana wabo w’umuhungu, abiciye mu karere ka Alebtong. Ibi byatumye ahanishwa igihano cy’igifungo cy’imyaka 80. Muri 2013, Sgt Robert Okiror yarashe umukunzi we bapfuye ibyo batumvikanagaho mu rugo.

Muri 2013 kandi, Pte Patrick Odoch yishe abantu 11 hafi y’ibirindiro by’ingabo za Uganda mu gace ka Bombo. Uyu nawe yaje gukatirwa igifungo cy’imyaka 90. Mu kwezi k’Ukuboza 2012, L/Cpl Herbert Rwakihembo wabaga muri Military Police, yarashe umukunzi we biteguraga kurushinga witwaga Irene Namuyaba, amwicana n’abandi bantu babiri ahitwa i Luzira.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...