konka coffee
KONKA

AMAKURU

UKWEZI
Minijust

Agasanduku kabitse amakuru ku cyateye impanuka y’ indege ya Ethiopian Airlines koherejwe mu Bufaransa

Agasanduku kabitse amakuru ku cyateye impanuka y’ indege ya Ethiopian Airlines koherejwe mu Bufaransa
14-03-2019 saa 11:22' | By Nsanzimana Ernest | Yasomwe n'abantu 4146 | Ibitekerezo 1

Ethiopian Airlines kuri uyu wa Kane tariki 14 Werurwe 2019 yatangaje ko yohereje mu Bufaransa agasanduku k’ umukara ko mu ndege ya Boeing 737 MAX 8 yakoze impanuka ku Cyumweru igahitana abantu bose bari bayirimo uko ari 157.

Mu butumwa iyi kampani yashyize kuri Twitter yavuze “Abakozi b’ Urwego rwa Ethiopia rushinzwe gukora iperereza ku mpanuka bohereje I Paris mu Bufaransa agasanduku karimo amajwi n’ amashusho mu rwego rw’ iperereza”.

Boeing 737 MAX 8 ya Ethiopian Airlines yakoze impanuka nyuma y’ uko mu kwezi mu kwezi kwa 10 umwaka ushize wa 2018 indi Boeing 737 MAX 8 yakoreye impanuka muri Indonesia ihitana abantu 180.

Ibi byatumye ibihugu birimo China, Ubwongereza, Ethiopia bihagarika ikoreshwa rya Boeing 737 Max mu bikorwa byabo byo gutwara abagenzi mu kirere.

Ethiopia yafashe icyemezo cyo kohereza aka gasanduku mu Bufaransa nyuma yo gusanga idafite ibikoresho nkenerwa mu gusoma amakuru akarimo n’ Ubudage bukavuga ko budafite ikoranabuhanga risoma amakuru y’ indege ya boeing.

Daniel Elwell, Umuyobozi w’ agateganyo ushinzwe ingendo zo mu kirere muri Leta zunze ubumwe za Amerika yavuze ko agasanduku k’ umukara ko muri Boeing 737 MAX8 ya Ethiopian Airlines kangiritse.

Mu gitondo cyo kuri uyu wa Kane, mu nama yiga ku mihindagurikire y’ ikirere yitabiriwe na Perezida w’ u Bufaransa Emmanuel Macron I Nairobi muri Kenya bafashe umunota wo kunamira abaguye muri iyi mpanuka y’ indege.

Kenya na Canada nibyo bihugu byatakarije abantu benshi muri iyi mpanuka. Kenya yapfushije abantu 32 Canada itakaza abantu 19.


INKURU ZA :
Tanga Igitekerezo
Ibitekerezo 1
NSHIMIRIMANA-SAIDY,BURUNDI-PROVINCE;MUYINGA;COMMUNE;BUHINYUZA,COLLINE;MURAMBA Kuya 15-03-2019

EMWE B,ENEWACU D,USANGIYUKWERA D,UKOMEZEGUSENGA K,UKO NTANUMWE AZI UMWANYA N,ISAHA!NANJE NDAHOJEJE IMIRYANGO Y,ABUZE ABAYO MWIRYOSANGANYA RYINDEGE Y,ABOEING!K,UBAGIHEMA NIMWIGORE M,USABIRE IDUWA BANYAKWIGENDERA IMANA IBAKIRE M,UBWAMIVYAYO.IYOKOMPANYI Y,INDEGE Z,ABOEING, N,AYONIHAGARIKWE K,UKO Y,ATUMARIYE ABAVANDIMWE>.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...