AMAKURU

UKWEZI
RPF

Babiri mu batewe igisasu bari kumwe na Perezida wa Zimbabwe bapfuye, harimo n’uwamurindaga

Babiri mu batewe igisasu bari kumwe na Perezida wa Zimbabwe bapfuye, harimo n’uwamurindaga
26-06-2018 saa 06:35' | By Chief Editor | Yasomwe n'abantu 8321 | Ibitekerezo

Kuri uyu wa Mbere tariki 25 Kamena 2018, nibwo abantu babiri bapfuye bazize ibikomere batewe n’igisasu cyajugunywe ku mbaga yari kumwe na Perezida Emmerson Mnangagwa wa Zimbabwe mu mpera z’icyumweru gishize, ubwo yari mu bikorwa byo kwiyamamariza umwanya wa Perezida mu matora azaba muri uyu mwaka.

Ikinyamakuru cya Leta muri Zimbabwe cyatangaje ko aba bantu babiri baguye kwa muganga nyuma y’uko abaganga babitagaho batabashije kurokora ubuzima bwabo cyane ko bari bakomeretse bikomeye. PerezidaMnangagwa n’imbaga y’abo bari kumwe bateweho igisasu kuwa Gatandatu ubwo bari mu mujyi wa Bulawayo wiganjemo abarwanya ubutegetsi bwe.

Ubuyobozi bw’ibitaro bya Mpilo byajyanywemo abakomeretse, bwemeje ko muri babiri bapfuye harimo n’umwe mu basirikare barinda Perezida Emmerson Mnangagwa hamwe n’abamwungirije babiri.

Polisi yahise itangaza ko abantu 49 ari bo bakomerekeye muri icyo gitero ariko nyuma byaje kurangira bamwe muri bo bashizemo umwuka. Perezida Mnangagwa bikekwa ko ari we wari ugambiriwe muri icyo gitero, ntacyo yabaye ndetse n’abagiteye ntibaramenyekana n’ubwo iperereza rya Polisi ryatangiye ngo hamenyekane ababyihishe inyuma.

Perezida Emmerson Mnangagwa w’imyaka 75 y’amavuko, ari mu biyamamariza gukomeza kuyobora Zimbabwe mu matora azaba tariki 30 Nyakanga uyu mwaka. Ni nyuma y’uko yasimbuye Robert Mugabe ku butegetsi mu mpera z’umwaka ushize, uyu mukambwe we akaba yarakuweho ku mbaraga z’igisirikare cya Zimbabwe.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...