AMAKURU

UKWEZI
cheno 2020

Coronavirus imaze kwica abarenga ibihumbi 100

Coronavirus imaze kwica abarenga ibihumbi 100
11-04-2020 saa 09:37' | By Nsanzimana Ernest | Yasomwe n'abantu 671 | Ibitekerezo

Ibarurishamibare ku cyorezo cya coronavirus ku rwego mpuzamahanga rirerekana ko iyi virus imaze guhitana abantu barenga ibihumbi 100 biganjemo abo mu bihugu bikize ku Isi.

Mu kwezi kwa 12 umwaka ushize nibwo iyi virus yahawe izina rya covid-19 yatangiye kumvikana, ariko imenyekana cyane mu Isi guhera muri Mutarama 2020.

Icyo gihe igihugu cy’ Ubushinwa nicyo cyari kibasiwe cyane n’iyi virus kuko arinaho yabonetse bwa mbere ariko ibi byaje guhinduka, kugeza ubwo kuri ubu Ubushinwa butari mu bihugu bitanu bya mbere bifite abarwayi benshi, cyangwa bimaze gupfusha abantu benshi.

Mu isi abamaze kwandura iyi virusi ni 1 699 635, abamaze kuyikira ni 376 330, naho abo imaze kwiva ni 102,734.

Igihugu gifite abarwayi benshi ku Isi ni Leta zunze ubumwe za Amerika zifite abarwayi 502 876 abamaze gupfa muri iki gihugu ni 18 747 abayikize ni 27 314 abakirwaye ni 456 815.

Espagne iri ku mwanya wa kabiri mu kugira abarwayi benshi ku Isi, ifite abarwayi 158 273 abo imaze kwica ni 16,081 abayikize ni 55 668 abakirwaye ni 86 524.

Ubutaliyani buri ku mwanya wa gatatatu mu bihugu bifite abarwayi benshi ba covid-19, kuko ari 147 577, abamaze gupfa 18 849 abakize ni 30,455 abakirwaye ni 98,273.

Mu Bufaransa ku mwanya wa kane abarwaye covid-19 ni 124,869 abapfuye 13,197 abakize 24,932 abakirwaye 86,740.
Mu Budage buri ku mwanya wa gatatu abarwaye ni 122,171 abapfuye ni 2,736 abakize ni 53,913 abakirwaye ni 65,522.

Ubushinwa ku mwanya wa 6 abarwaye ni 81,953 abapfuye ni 3,339 abakize 77,525 abakirwaye ni 1,089.

Umuryango w’abibumbye uvuga ko iyi coronavirus aricyo cyago gikomeye Isi ihuye nacyo kuva intambara ya mbere y’Isi yarangira mu 1945.

Ikigega Mpuzamahanga cy’imari FMI kivuga ko covid-19 izatuma ubukungu bw’ibihugu 170 ku isi bujya muri kuramo.

Kugeza ubu iyi virus nshya yo mu bwoko bwa coronavirus ntabwo irabonerwa umuti n’urukingo, gusa abasirikare b’umubiri w’umuntu hari ubwo bayirwanya bakayitsinda.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...