AMAKURU

UKWEZI
ubumwe

Tanzania: Ikamyo ya lisansi yahiriye mu muhanda ihitana abarenga 60

Tanzania: Ikamyo ya lisansi yahiriye mu muhanda ihitana abarenga 60
10-08-2019 saa 14:18' | By Nsanzimana Ernest | Yasomwe n'abantu 2490 | Ibitekerezo

Byamaze kwemezwa ko abantu 60 bapfuye abandi 70 barakomereka bikomeye ubwo ikamyo ya essence yasandariraga mu muhanda wo mu mujyi wa Morogoro mu gihugu cya Tanzania.

Iyi mpanuka yabaye mu gitondo cyo kuri uyu wa Gatandatu tariki 10 Kanama 2019.

Abapfuye biganjemo abamotari n’ abacuruzi bakoreraga akazi kabo mu muhanda Dar-es Salaam –Morogoro.

Kommanda wa polisi mu gace ka Morogoro, Wildbroad Mutafungwa yemeje ko abapfuye ari 60.

Iyi mpanuka yabereye mu ntera ireshya na 200 kuri cyapa cya bisi cy’ ahitwa Musanvu mu mujyi wa Morogoro.
Ababonye iyi mpanuka bavuga iyi kamyo yabanje kugwa, bamwe bahurura bajya kuvoma essence abandi bikomereza gucuruza.

Abdallah Msambali yabwiye The Citizen ko abantu bahiye ku buryo hari abo udashobora kumenya. Abahiye barimo abayegereye mbere y’ uko iturika.

Umutwe w’ abashinzwe kuzimya inkongi muri Tanzania wihutiye gutabara ariko amazi yari yamaze kurenga inkombe.

Imirambo ya banyakwigendera yajyanywe mu bitaro bya Morogoro.

Komisiri wa Morogoro Dr Steven Kwekwe yageze aho iyi mpanuka ati “Ibi ni ubwa mbere bibaye mu mujyi wa Morogoro”.

Iyi kamyo yaguye imena essence ahantu hangana na metero 200 z’ uburebure.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...