konka coffee
KONKA

AMAKURU

UKWEZI
Minijust

Imyigaragambyo yafunze imihanda I Goma kubera batandatu bikekwa ko bishwe na FDLR

Imyigaragambyo yafunze imihanda I Goma kubera batandatu bikekwa ko bishwe na FDLR
4-03-2019 saa 12:22' | By Nsanzimana Ernest | Yasomwe n'abantu 3972 | Ibitekerezo 1

Mu Burengerazuba bw’ umujyi wa Goma muri repubulika ya Demukarasi ya Kongo imihanda ntiyari nyabagendwa mu gitondo cyo kuri iki Cyumweru kubera imyigaragambyo yasembuwe n’ iyicwa ry’ abantu batandatu.

Ku wa Gatandatu tariki 2 nibwo abantu bitwaje intwaro bikekwa ko ari FDRL bagabye igitero mu mujyi Goma bica abantu batandatu ahitwa Ndosho muri Nyiragongo. Abishwe barimo n’ umusirikare mu ngabo z’ iki gihugu.

Imyigaragambyo yahereye saa mbili za mu gitondo bigera saa tanu polisi itarashobora gutatanya abigaragambya bari biganjemo abasore n’ inkumi.

Abigaragambya bashyize amabuye mu mihanda banatwika amapine mu rwego rwo guhagarika urujya n’ uruza mu muhanda Goma –Sake.

Abigaragambyaga barasaba Leta y’ iki gihugu gufata ingamba zo guhagarika ubu bwicanyi bemeza ko bumaze gufata intera mu mujyi wa Goma.

Saa mbili z’ ijoro nibwo aba bagizi ba nabi bari bitwaje intwaro zitaremereye bateye agace ka Ndosho bakozanyaho na polisi ifatanije n’ igisirikare cya Kongo bica abasivile batanu n’ umusirikare umwe.

Ibi biri kuba mu gihe abantu bari bamaze kugira icyizere ko iki gihugu kigiye gutekana ubwo cyari kibonye Perezida mushya Felix Tshisekedi wari wanizeje umutekano uburasirazuba bwa Kongo ubwo yiyamamazaga mu ntangiriro z’ Ukuboza 2018.

Iki cyizere ahanini cyari cyaturutse ku kuba bamwe mu nyeshyamba zarahise zishyira intwaro hasi zikimenya ko Felix Tshisekedi ariwe watsinze amatora.


INKURU ZA :
Tanga Igitekerezo
Ibitekerezo 1
yvan iram iram Alex Kuya 5-03-2019

umukobwa yapfushije nyina umubyara maze ubwo bari mwitabaro abona umusore mwiza wuje urukundo aramukunda kuva uwo munsi niyigeze aryama ngo namurote kandi niyarazi izinarye ndetse naho aturuka bucye yica murumunawe ngo arebeko yazagaruka kubatabara none nagize ikibazo abankunze mwese nimubimawirehato mutazamara imiryango yanyu mushaka nge umusore wuje urukundo..

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...