AMAKURU

UKWEZI
ubumwe

Inyeshyamba zo muri Kongo zirakica abantu nubwo zahagurukiwe n’ ibihugu bine

Inyeshyamba zo muri Kongo zirakica abantu nubwo zahagurukiwe n’ ibihugu bine
24-07-2019 saa 10:50' | By Nsanzimana Ernest | Yasomwe n'abantu 2099 | Ibitekerezo

Mu majyaruguru ashyira iburasirazuba bwa Repubulika ya Demukarasi cya Kongo abarwanyi ba ADF bitwaje imihoro n’ imbunda bishe abasivile 12 barimo abana babiri mu bitero mu ijoro rimwe

Mu gitero cya mbere aba barwanyi bishe abantu 9 bakomeretsa bane ahitwa Oicha Mabasele hafi y’ umujyi wa Beni, nk’ uko byatangajwe n’ umuyobozi w’ aka gace Donat Kibwana mu kiganiro yagiranye n’ ibiro ntaramakuru by’ Abafaransa AFP.

Muri iryo joro kandi abo barwanyi bishe abandi bantu batatu ahitwa Eringeti.

Umutwe w’ inyeshyamba wa ADF yavukiye mu burengerazuba bwa Uganda mu 1995. Umuryango w’ Abibumbye ushinja uyu mutwe ko umaze kwivugana ababarirwa mu magana.

Igisirikare cya Repubulika ya Demukarasi ya Kongo FARDC cyatangaje ko iki gitero cyabayeho ariko ko kiri gushaka abo barwanyi.

Umuyobozi witwa Noella Muliwavyio yavuze ko abaturage bagize ubwoba bwinshi bitewe ibyabaye n’ uko bamenyeshejwe ko abarwanyi ba ADF bamaze ibyumweru byinshi ahitwa Oicha.

Umuturage witwa Pascal Soli, akaba n’ umuforomo mu gace ka Oicha yavuze ko yumvise amasasu akihisha nyuma akaza gusanga ari abaturanyi be bishwe.

Abaturage benshi bo mu gace ka Oicha bahungiye mu mujyi wa Beni.

Ibi bikomeje kuba mu gihe abakuru b’ ibihugu bya Repubulika ya Demukarasi ya Kongo, u Rwanda, Angola na Uganda biyemeje kurwanya imitwe y’ inyeshyamba ihungabanya umutekano muri aka karere.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...